សម្តេចតេជោ ហ៊ុន សែន បានសម្រេចឲ្យកីឡាការិនី ស៊ន សៀវម៉ី ជាប់សញ្ញាបត្របាក់ឌុប ដោយស្វ័យប្រវត្តិ និងផ្តល់អាហាររូបករណ៍ ដល់កញ្ញាឲ្យជ្រើសរើសសាកលវិទ្យាល័យរៀនតាមចិត្ត។
ការផ្តល់ឲ្យនេះ ក្រោយពី ស៊ន សៀវម៉ី ធ្វើបានសម្រេចដោយដណ្តើមបានមេដាយមាស ពីព្រឹត្តិការណ៍ អាស៊ីហ្គេម លើកទី ១៧ នាទីក្រុងអ៊ិនឈុន ប្រទេសកូរ៉េខាងត្បូង នាពេលថ្មីៗនេះ ។
ក្រៅពីនេះ សម្តេចតេជោ បានឧបត្ថម្ភ ថវិការប្រចាំឆ្នាំ ១៥០០ ដុល្លារ ម៉ូតូមួយគ្រឿង កុំព្យូទ័រ Apple មួយគ្រឿង និង iPad មួយគ្រឿង គ្រឿងឥស្សរិយយសថ្នាក់មហាសិរិវឌ្ឍន៍ នឹងចាត់ទុកថា ជាវីរនារីកម្ពុជា ។
នេះជាលើកទី ១ ហើយក្នុងរយៈពេល ៤៤ ឆ្នាំកន្លងមកនេះ ដែល កម្ពុជាទទួលបានមេដាយមាស ចាប់តាំងពីចូលរួម ក្នុងព្រឹត្តិការណ៍ អាស៊ីហ្គេម ហើយ ស៊ន សៀវម៉ី ជានារីដំបូងរបស់កម្ពុជា ដែលអាចធ្វើឲ្យ ភ្លេងជាតិ និងទង់ជាតិខ្មែរ ហោះត្រដែត ទៅកាន់ពិភពលោក ៕
ទស្សនាឃ្លិបវីដេអូដូចខាងក្រោមនេះ៖
សៀវម៉ី ប្រកួតជាមួយនឹងហ្វីលីពីន
សៀវម៉ី ប្រកួតជាមួយនឹង អ៊ីរ៉ង់
មតិយោបល់