កំពង់ធំៈ កាលពីថ្មីៗនេះមានមន្ត្រីនគរបាលចំណុះឲ្យស្នងការនគរបាល ខេត្តកំពង់ធំ ជាច្រើន រូបបានកើតទុកមិនសុខចិត្ត ចំពោះភាពមិនប្រកតីនៃការបើកប្រាក់លំអៀង និងប្រាក់មុខតំណែងរបស់មន្ត្រីនគរបាល ជាហេតុបណ្តាលឲ្យមានការ តវ៉ានៅមុខបន្ទប់គណនេយ្យ សុំភាពយុត្តិធម៌និងស្មោះត្រង់ ព្រមទាំងការលាតត្រដាងការពិតពីចំនួនប្រាក់ដែលទទួលបាន។
ប្រភពពត៌មានច្បាស់ការបានបញ្ជាក់ថា មានមន្ត្រីជាច្រើនរូបមិនមានការពេញចិត្ត និងការ ធ្វើការរបស់គណនេយ្យដោយពុំមានភាពច្បាស់លាស់ ក្នុងគោលបំណងបិទបាំង កិបកេងប្រាក់ របស់មន្ត្រីប៉ូលិស ដោយមានការឃុបឃិតគ្នា ប្រព្រឹត្តអំពើពុករលួយ នៅក្នុងស្នងការនគរបាល ខេត្តកំពង់ធំ ដែលត្រូវបានបែកធ្លាយសាយភាយ នូវពេញទាំងខេត្តកំពង់ធំ ដោយសារតែ ភាពមិនប្រកតីរបស់ស្នងការខេត្តកំពង់ធំ ។
ជាក់ស្តែងកាលពីថ្ងៃទី៥ ខែតុលា ឆ្នាំ ២០១៤ មានមន្ត្រីនគរបាលជាច្រើននាក់បាននាំគ្នាតវ៉ាសួរនាំនៅមុខបន្ទប់គណនេយ្យ និងបានសាកសួរពីចំនួនលុយពិតប្រាកដដែលមន្ត្រីនគរបាលម្នាក់ៗត្រូវទទួលបានប្រាក់លំអៀងមុខងារ និងសក្តិ ព្រោះពុំមានអ្នកណាដឹងពីចំនួនពិតប្រាដក ដោយសារតែម្នាក់បើកលុយខុសគ្នា ខ្លះសក្តិ១ បានលើសពី ៨០ម៉ឺន ខ្លះ៧០ម៉ឺន ខ្លះ៩០ម៉ឺន ខ្លះជិត១លាន ដល់បើកលើកទី២ ខ្លះថែមបាន២០ម៉ឺន ខ្លះ៥០ម៉ឺន ខ្លះ៣០ម៉ឺន ខ្លះ១០ម៉ឺន ដោយឡែកតាមប៉ុស្តិ៏គឺបើកតែម្ដងទេ ខ្លះ៦០ម៉ឺន ខ្លះ៧០ម៉ឺន មន្ត្រីខ្លះសក្តិ២ឬ៣ បានតែ៣០ម៉ឺន ខ្លះ៦០ម៉ឺន អ្វីដែលខុសប្រក្រតីគឺការបើកលុយមិនឲ្យចុះហត្ថលេខាលើតារាងបើក គណនេយ្យមិនប្រាប់ពីចំនួនតើឈ្មោះ ក សក្តិ២ បានប៉ុន្មាន តួនាទីប្រធានផ្នែក ឬអនុផ្នែក បានប៉ុន្មាន ព្រិន្ទបាលបានប៉ុន្មាន គឺមន្ត្រីទាំងនោះមិនឲ្យគេដឹង ខុសពីគោលការណ៏ក្រសួងមហាផ្ទៃ នេះគេមិនគិតដល់មន្ត្រីរាប់រយនាក់នៅតាមអធិការ និងប៉ុស្តិ៏ផងទេ មន្ត្រីខ្លះឡើងដល់សក្តិ៤ គឺមិនដែលទទួលបានប្រាក់លំអៀងមុខងារទាល់តែសោះ បើគិតជាប្រាក់រាបសិបលានរៀល ដែលស្នងការង និងលោក ជឹម លក្ខណា កំពុងលួចបន្លំ ។
មន្ត្រីនគរបាលចំណុះឲ្យស្នងការខេត្តកំពង់ធំ បានសុំសំណូមរ ឲ្យលោក នេត សាវឿន អគ្គស្នងការនគរបាលជាតិ និងលោក ស ខេង ឧបនាយករដ្ឋមន្ត្រីក្រសួងមហាផ្ទៃ និងអង្គភាពប្រឆាំងអំពើពុករលួយ ចុះស៊ើបអង្កេត លើមន្ត្រីស្នងការរង និងអ្នកកាន់លុយ ជឹម លក្ខណា ឃុបឃិតគ្នាកិបកេងលុយរាបសិបលានផង ៕
មតិយោបល់