ថ្មីៗនេះ Reuters បានចុះផ្សាយថា ក្រុមហ៊ុន Samsung ត្រូវបង់ប្រាក់ក្នុងតម្លៃមួយដ៏ខ្ពស់សម្រាប់ការប្រើប្រាស់បច្ចេកវិទ្យារបស់ Microsoft លើស្មាតហ្វូន និង Tablet ដោយឡែកនៅពេលនេះ សារព័ត៌មាន ZDNet បានចុះផ្សាយថា មិនមែនមានតែ Samsung នោះទេ ដែលត្រូវបង់លុយឲ្យ Microsoft នោះ ពោលគឺរាល់ការលក់ឧបករណ៍ដែលប្រើប្រាស់ប្រព័ន្ធដំណើរការ Android ទាំងសុទ្ធមានចំណូលចូលទៅក្រុមហ៊ុន Microsoft។
សារព័ត៌មាន ZDNet បានចុះផ្សាយថា ក្រុមហ៊ុន Microsoft ទទួលបាន ៨ដុល្លារអាមេរិក ក្នុងការលក់ឧបករណ៍ទាំងអស់ដែលប្រើប្រាស់ប្រព័ន្ធដំណើរការ Android។ តើនេះមានន័យយ៉ាងមិញវិញ បើ Android ជាប្រព័ន្ធដំណើរការបស់ Google ម្ដេច Microsoft ទទួលបានលុយ ៨ដុល្លារដែរ? តាមការបញ្ជាក់ពី Microsoft បានឲ្យដឹងថា ត្បិតតែ Android ជារបស់ Google ពិតមែន ប៉ុន្តែនៅក្នុងនោះមានបច្ចេកវិទ្យាមួយចំនួនជារបស់ Microsoft ដូច្នេះរាល់ការលក់គឺត្រូវតែមានចំណូលដល់ Microsoft។
កាលពីឆ្នាំ ២០១៣ ក្រុមហ៊ុន Microsoft ទទួលបានប្រាក់ចំណូល ៣,៤ពាន់លានដុល្លារអាមេរិក ពីការលក់ Android ដែលជាផ្នែកមួយជួយជំរុញឲ្យប្រាក់ចំណូលរបស់ Microsoft កើនឡើង៕
ព័ត៌មានជាតិ
មតិយោបល់