គិត​មកដល់ពេលនេះ ការចេញលក់ iPhone 6 និង iPhone 6Plus នៅលើ​ទីផ្សារ​មាន​រយៈពេល​ជាច្រើន​ថ្ងៃ​មក​ហើយ ប៉ុន្តែ Apple មិន​ទាន់​បង្ហាញ​របាយ​ការណ៍​នៃ​ការលក់​បន្ដិច​សោះ​។​

​ស្របពេល​ដែល​ពិភពលោក​កំពុង​ទន្ទឹងរង់ចាំ​នោះ សារព័ត៌មាន​ឧស្សាហកម្ម​តៃវ៉ាន់ DigiTimes បាន​ចុះផ្សាយ​ថា ការលក់ iPhone 6 មាន​ចំនួន​ច្រើន ប៉ុន្តែ iPhone 6Plus វិញ​តិចជាង iPhone 6​។ ប្រភព​ដដែល​នេះ​មិន​បាន​បញ្ជាក់​ពី​តួលេខ​នៃ​ការលក់ iPhone 6 និង iPhone 6Plus ឡើយ គ្រាន់តែ​បង្ហាញ​ឲ្យដឹងថា iPhone 6Plus លក់បាន ៦០​ភាគរយ​នៃ iPhone 6​។​

​គួរ​បញ្ជាក់​ផង​ដែរ​ថា ព័ត៌មាន​ជាច្រើន​សុទ្ធតែ​បាន​ចេញផ្សាយ​ដូច​គ្នា​ថា iPhone 6Plus ពិបាក​ក្នុង​ការផលិត សូម​តែ Foxconn ជា​អ្នក​ផ្គត់ផ្គង់​ក៏​បាន​បង្ហាញ​ឲ្យដឹងថា iPhone 6Plus ពិតជា​ពិបាក​ក្នុង​ការផលិត​មែន​៕​