ក្រោយពីមានបញ្ហា មានស្ត្រីម្នាក់បានចូលទទួលទានស្លាបមាន់ KFC នៅក្នុងទីក្រុង Guangzhou ខេត្ត Guangdong ប្រទេសចិន ប្រទះឃើញសត្វដង្កូវ រស់រវើកនៅក្នុងស្លាបមាន់របស់គាត់ ចំណុចនេះកំពុងក្លាយជាប្រធានបទដ៏ក្តៅគគុក នៅកម្ពុជាដូចគ្នាជាពិសេសអ្នកដែលចូលចិត្តទទួលទានស្លាប និងភ្លៅមាន់បំពង នៅ KFC ។
ស្ត្រីនោះមានឈ្មោះ Liu បានកុម្ម៉ង់ស្លាបមាន់ចំនួន១០ដុំពីហាង KFC កាលពីរសៀល ថ្ងៃសៅរ៍ កន្លងទៅ ដោយញ៉ាំបានពាក់កណ្តាល គាត់ក៏ខ្ចប់ទៅផ្ទះ។ ក្រោយមកពេល អ្នកស្រី Liu យកសាច់នោះមកញ៉ាំក៏ប្រទះឃើញសត្វដង្កូវនៅរស់រវើកនៅក្នុងស្លាបមាន់ តែម្តង។ អ្នកស្រីបានធ្វើការតវ៉ាទៅកាន់អ្នកគ្រប់គ្រងហាង KFC នោះ ហើយអ្នកស្រីត្រូវ បានហាង KFC ផ្តល់សំណងជាលក្ខណៈអាហារមកអោយអ្នកស្រីវិញ។ តែទោះជាយ៉ាងណា បញ្ហាកង្វះអនាម័យនេះ កំពុងតែទទួលបានការចាប់អារម្មណ៍ នៅកម្ពុជា ដោយខ្លាចរអាលមិនចង់ចូលទៅកាន់ ហាង KFC ទៀតឡើយព្រោះខ្លាចពើបប្រទះ នឹងបញ្ហាមានដង្កូវដូចខាងលើ ដោយធ្វើគ្មានលក្ខណៈអនាម័យត្រឹមត្រូវ ដែលបង្កផលប៉ះពាល់ដល់សុខភាព ប្រជាជនកម្ពុជាយ៉ាងខ្លាំង បើសិជាករណីនេះកើតឡើងមែន ។ ពាក្យថាដង្កូវក្នុងម្ហូបអាហារមួយម៉ាត នរណាទៅចង់ឃើញ ចង់ដឹងទៅ ព្រោះវាជាទីសំអប់របស់មនុស្ស ។
ជាមួយនឹងបញ្ហានេះដែរ តារាសម្តែង និងពិធីករ ដែលត្រូវជា ចៅលោកយាយម៉ែម៉ឺនលោក គង់ បញ្ញាសិដ្ឋ បានថ្លែងប្រាប់តាមទូរស័ព្ទនៅរសៀលនេះឲ្យដឹងថា “បញ្ហាដង្កូវក្នុងភ្លៅមាន់ នៅ KFC នេះលោកបានឃើញ វាពិតជាគួរឲ្យខ្ពើមរអាលខ្លាំងណាស់ សឹងតែធ្វើឲ្យលោក ឈប់ចូលទៅញ៉ាំ តែបើចង់ញ៉ាំ លើកក្រោយៗទៀត លោកនឹង វែកឲ្យអស់មុននឹងញ៉ាំវា ដើម្បីបញ្ចៀសបញ្ហា កើតឡើងដូចនៅចិន” ។
លោក ថារិទ្ធ មន្ត្រីអង្គរក្សក្នុងជូររដ្ឋាភិបាលកាន់អំណាចសព្វថ្ងៃ ក៏បានឲ្យដឹងថា “ឃើញហើយខ្ពើមណាស់ប្អូន កាលមុនលោកឧស្សាហ៍យកកូនសំណព្វទៅញ៉ាំ នៅ KFC ខ្លាំងណាស់ តែឃើញដូចនេះ លោកឈប់ហើយ ខ្លាចខូចសុខភាពកូន” ។
តែទោះជាយ៉ាងណាបញ្ហានេះ យើងមិនទាន់បានឃើញថា វាកើតឡើងនៅ កម្ពុជានៅឡើយទេ តែបើសិនមានមែននោះ វានឹងប្រឈមបញ្ហាជាច្រើន ជាមិនខាន៕
ទស្សនាឃ្លិបដូចខាងក្រោមនេះ៖
មតិយោបល់