ខេត្តរតនគិរី៖ ក្រុមចោរចូលតាមបង្អូចនៃផ្ទះបាយលួចលុយ និងទូរស័ព្ទដៃរបស់នាយផ្នែករដ្ឋបាលជលផលខណ:កំពុងសំរានលង់លក់។ ហេតុការណ៍នេះបានកើតឡើងកាលពីវេលាម៉ោង១ទៅ២រំលងអធ្រាត ថ្ងៃទី៨ ខែតុលា ឆ្នាំ២០១៤ ស្ថិតនៅភូមិអូរកន្លិល សង្កាត់បឹងកន្សែង ក្រុងបានលុងខេត្តរតនគិរី។
លោក ប៊ន ធារុង នាយផ្នែករដ្ឋបាលជលផលខេត្តរតនគិរី បានឲ្យដឹងការពីព្រឹកថ្ងៃទី៨នេះថាលោកមកពីបេសកម្មដោយអស់កម្លាំងផងនោះក៏សំរានលង់លក់មិនបានដឹងពីក្រុមចោរធ្វើសកម្មភាពនោះទេខណ:នោះក្រុមចោរបានចូលតាមបង្អូចផ្ទះបាយ ហើយបានធ្វើសកម្មភាពរើ កកាយក្រោមពួកសំរានរបស់ខ្លួន ក៏យកបានលុយ១លានរៀល ទូរស័ព្ទដៃ២គ្រឿង Samsung Gran និង Samsung Galaxy Not លុះព្រឹកឡើងទើបដឹងថាបាត់ទូរស័ព្ទដៃចំនួន២គ្រឿង និងលុយ១លានរៀល ហើយលោកក៏បានដើរទៅផ្ទះបាយឃើញបង្អូចចំហរ ក៏សន្និដ្ឋានថាចោរចូលលួចតាមបង្អូចដោយមិនបានដាក់គន្លឹ:។ រួចហើយលោកបានដាក់ពាក្យបណ្តឹងទៅសមត្ថកិច្ចស៊ើបអង្កេតរកមុខសញ្ញាចោរលួច ដែលធ្លាប់ធ្វើសកម្មភាពរបៀបនេះជាច្រើនដងមកហើយ។ មជ្ឈដ្ឋានទូរទៅតែងដាក់មុខសញ្ញាចោរ ធ្វើសកម្មភាពលួច ប្លន់ សមត្ថកិច្ចហាក់ដូចជាមានការធ្វេសប្រហែសចន្លោះប្រហោងមិនសូវចាប់បានចោរទាំងនោះទេ ប៉ុន្តែបើឃ្លាំង និងផ្ទះ ម៉ូតូ រថយន្ត ដឹកឈើមិនថាយប់ឫថ្ងៃ គឺសមត្ថកិច្ច ប៉ូលិសក្រុងនិងសង្កាត់ដឹងទាំងអស់។
ប្រជាពលរដ្ឋនៅខេត្តរតនគិរីបានសំណូមពរដល់ស្នងការ ស្នងការរង ជួយពង្រឹងដល់សន្តិសុខពួកគាត់ផង។
មតិយោបល់