កំពង់ធំ៖ គ្រោះថា្នក់មួយបានកើតឡើងនៅលើកំណាត់ផ្លូវជាតិលេខ 6 ដោយរថយន្ដកូរ៉េ បុកជាមូយនិង កង់ យ៉ាងពេញទំហឹងបណ្ដាលឲ្យអ្នកភូមិភ្ញាក់ផ្អើលក៏នាំគ្នារត់មកមើលឈូរឆរពេលនោះស្រាប់តែឃើញមនុស្សស្រីម្នាក់ ស្លាប់នៅនឹងកន្លែងកើកហេតុ ។
គ្រោះថ្នាក់នេះកើតឡើងនៅវេលាម៉ោង ៨ ព្រឹក ថ្ងៃទី ០៩ ខែ តុលា ឆ្នាំ ២០១៤ ស្ថិតនៅចំនុច ភូមិ អាចារ្យលាក់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ បណ្តាលឲ្យស្ត្រីម្នាក់ទទួលរងគ្រោះយ៉ាងធ្ងន់ធ្ងរ រហូតបានស្លាប់នៅកន្លែងកើតហេតុ ខណៈពេលដែលស្ត្រីរងគ្រោះកំពុង តែធ្វើដំណើរឆ្ពោះទៅផ្សារ លុះមកដល់ចំនុចកើតហេតុ ក៏មានរថយន្តកូរ៉េបើកជែង វ៉ាដោយល្បឿនលឿន ជ្រុលមកបុកស្ត្រីរងគ្រោះតែម្តង។
តាមប្រភពព័ត៌មាន នៅកន្លែងកើតហេតុ បានឲ្យដឹងថា ករណីរថយន្តកូរ៉េបើកមកបុកស្ត្រីរងគ្រោះ ខណៈពេលដែលកំពុងធ្វើដំណើរពីរត្បូងទៅទិសខាងជើង លុះដល់ចំណុចកើតហេតុខាងលើក៏ស្រាប់តែមានឡានកូរ៉េពីរតោនកន្លះពណ៌ស មួយគ្រឿងបើកបរយ៉ាងលឿនមកបុកចំពីរក្រោយយ៉ាងពេញទំហឹង បណ្ដាលឲ្យមនុស្សស្ត្រីស្លាប់ ចំណែកឯអ្នកបើកបររថយន្ដបានបើកទ្វារឡានហើយចុះរត់គេចខ្លូនបាត់ស្រមោល ។
ស្ត្រីរងគ្រោះឈ្មោះ ព្រឿង ឡេច ភេទស្រីអាយុ៤៥ឆ្នាំរស់នៅភូមិ ក្រចាប់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ក្រោយពេលកើតហេតុ សាកសពជនរងគ្រោះ ត្រូវបានសាច់ញ្ញាតិ ដឹកយកទៅផ្ទះដើម្បីបុណ្យតាមប្រពៃណី ចំណែកកង់នឹងរថយន្តត្រូវបានកំលាំងប៉ុស្តិ៍រដ្ឋបាល អាចារ្យលាក់យកទៅរក្សាទុកនៅអធិការដ្ឋាន នគរបាល ដើម្បីរងចាំឲ្យតំណាងភាគីទាំងសងខាង ចូលខ្លួនមកដោះស្រាយដោយ សន្តិវិធី ៕
មតិយោបល់