ញូដេលី ៖ នៅចុងសប្ដាហ៍មុននេះ មានខ្យល់ព្យុះស៊ីក្លូន មួយឈ្មោះ ហ៊ូដហ៊ូដ បានវាយប្រហារ តំបន់ឆ្នេរភាគខាងកើត ប្រទេសឥណ្ឌា បណ្តាលឲ្យមនុស្ស ៦នាក់បានស្លាប់ និងហេដ្ឋារចនាសម្ព័ន្ធជាច្រើន ទទួលរងការខូចខាតយ៉ាងខ្លាំង។ នេះបើយោងតាមការចុះផ្សាយរបស់ទីភ្នាក់ងារព័ត៌មានចិន ស៊ិនហួ។
តំបន់ដែលទទួលរងគ្រោះខ្លាំងភាគច្រើន ស្ថិតនៅជិតជ្រោយសមុទ្រ ប៊ែងហ្គាល់ មានរដ្ឋអូរីសាជាដើម ជាមួយនឹងសម្ពាធខ្យល់ក្នុងល្បឿនរហូតដល់ទៅជាង ៣២០គីឡូម៉ែត្រ ក្នុងមួយម៉ោងឯណោះ កាលពីថ្ងៃអាទិត្យ។
រដ្ឋាភិបាលឥណ្ឌាបានចេញសេចក្តីព្រមាននៅមុនពេលខ្យល់ព្យុះនេះកើតឡើងមួយថ្ងៃ ដល់ប្រជាជនឥណ្ឌា នៅបណ្តាឆ្នេរភាគខាងកើតប្រទេស ឲ្យជម្លៀសខ្លួនទៅរកទីកន្លែងមានសុវត្ថិភាព ស្របពេលដែលដំណើររថភ្លើងជាង ៧០ខ្សែ ត្រូវលុបចោល និង បង្ខំផ្លាស់ ប្តូរទិសដៅចេញដំណើរ៕
ព័ត៌មានជាតិ
មតិយោបល់