ព្យុងយ៉ាង ៖ មេដឹកនាំវ័យក្មេងនៃសាធារណរដ្ឋ ប្រជាធិបតេយ្យប្រជាមានិតកូរ៉េ(កូរ៉េខាងជើង) លោក គីម ជុងអ៊ុន បានបង្ហាញវត្តមានឡើងវិញហើយ ក្នុងពិធីបើកសម្ពោធទីកន្លែង ស្នាក់នៅបន្ថែមទៀត សម្រាប់ប្រជាជន និងអ្នកសិក្សាស្រាវជ្រាវផ្នែកវិទ្យាសាស្ត្រ បន្ទាប់ពីរូបលោក បានបាត់វត្តមានជាសាធារណអស់រយៈពេលជាង១ខែ។
សារព័ត៌មានរដ្ឋកូរ៉េខាងជើង KCNA នៅ ថ្ងៃអង្គារ ទី១៤ ខែតុលា ឆ្នាំ២០១៤នេះថា មេដឹកនាំវ័យក្មេងនេះ បានបាត់វត្តមានចាប់តាំងពីថ្ងៃទី០៣ ខែកញ្ញា បន្ទាប់ពីរូបលោក និងភរិយា បានចូលរួមទស្សនាការប្រគុំតន្ត្រីមួយនារដ្ឋធានីព្យុងយ៉ាង។ការបាត់ខ្លួននេះ បានធ្វើឲ្យមហាជន និងអន្តរជាតិជាច្រើនមានការសង្ស័យយ៉ាងខ្លាំង។ កាលពីចុងសប្តាហ៍មុននេះថា លោក គីម ជុងអ៊ុន ទំនងជាទទួលការវះកាត់ផ្នែក-ក ជើង ហើយសម្រាកព្យាបាលនៅមន្ទីរសុខភាពផ្ទាល់ខ្លួនមួយ នៅជាយរដ្ឋធានីព្យុងយ៉ាង ប៉ុន្តែសារព័ត៌មានកូរ៉េខាងជើង មិនដែលចេញផ្សាយព័ត៌មានអ្វី ពីមូលហេតុនៃការបាត់ខ្លួននេះទេ៕
ព័ត៌មានជាតិ
មតិយោបល់