នៅថ្ងៃទី១៣ ខែតុលា ក្នុងទីក្រុងមូស្គូ បានជួបពិភាក្សាជាប្រចាំលើកទី១៩ និង ចុះហត្ថលេខាលើកិច្ចព្រមព្រៀងឧស្ម័ន ហ្គាសរវាងប្រមុខដឹកនាំរដ្ឋាភិបាលចិន នឹងរុស្ស៊ី ។
សារព័ត៌មានរុស្ស៊ីបានដកស្រង់សម្ដី តំណាងពាណិជ្ជកម្មរបស់រុស្ស៊ីលោក Andrei Gruzdev បញ្ជាក់ថា នៅថ្ងៃទី ១៣ ខែតុលា ចិន និងរុស្ស៊ី បានចុះហត្ថ លេខាស្ដីពីការនាំចូលឧស្ម័ន ហ្គាសតាម បំពង់បង្ហូរឧស្ម័នភាគខាងកើតចូលទៅ កាន់ប្រទេសចិន ។ នាយករដ្ឋមន្ដ្រីចិន លោកលី ឃើជាំង បានទៅកាន់ប្រទេស រុស្ស៊ីចូលរួមក្នុងកិច្ចប្រជុំជាពិសេសនោះ។
កាលពីខែឧសភា កន្លងមក ក្រុម ហ៊ុនហ្គាសប្រ៊ូមរបស់រុស្ស៊ី និងក្រុម ឧស្ម័នហ្គាសជាតិចិនបានចុះហត្ថលេខា លើកិច្ចព្រមព្រៀងផ្គត់ផ្គង់ឧស្ម័នហ្គាស ទៅឱ្យភាគីចិនតាមរយៈបំពង់បង្ហូរឧស្ម័ន ភាគខាងកើតក្នុងរយៈពេល៣០ឆ្នាំដែល មានតម្លៃរហូតដល់៤០០ពាន់លាន ដុល្លារ ។
តាមរយៈកិច្ចព្រមព្រៀងនោះ រុស្ស៊ី នឹងផ្គត់ផ្គង់ឧស្ម័នហ្គាសប្រមាណ៣៨ពាន់ លានម៉ែត្រគូបក្នុងមួយឆ្នាំៗតាមរយៈ បំពង់បង្ហូរនៅភាគខាងកើត ៕
មតិយោបល់