ខេត្តត្បូងឃ្មុំ៖បុរសចំនួន៦នាក់ដែលញៀននិងល្បែងស៊ីសងភ្នែក៦(អាប៉ោង)មួយថ្ងៃៗមិនគិតធ្វើអ្វីគិតតែពីចំតិតអុតចាក់នោះត្រូវបានកំលាំងនគរបាលស្រុកមេមត់ធ្វើរការបង្ក្រាបឃាត់បានយកមកធ្វើរការអប់រំ។ការឃាត់ខ្លួននេះធ្វើឡើងកាលពីម៉ោង១៤ និង ៤៥នាទីថ្ងៃទី១៣ខែតុលាឆ្នាំ២០១៤នៅចំណុចផ្ទះឈ្មោះម៉ាន់ភេទប្រុសត្រង់គីឡូម៉ែត្រលេខ៣៦ផ្លូវសាមលិញក្នុងភូមិកំពៃឃុំរំចេកស្រុកមេមត់ខេត្តត្បូងឃ្មុំ។
លោកវរសេនិយត្រី ប៉េង អេងហាក់ អធិការនគរបាលស្រុកមេមត់បានអោយដឹងថាបន្ទាប់ពីបានទទួលព័ត៌មានពីប្រជាពលរដ្ឋល្អថាមានលេងល្បែងស៊ីសងអាប៉ោងនៅចំណុចខាងលើរូបលោកបានដឹកនាំកំលាំងជំនាញក្រោមឱវាទចុះទៅធ្វើការឡោមពទ្ធ័ចាប់ឃាត់ខ្លួនបានអ្នកញៀនល្បែងអាប៉ោងបាន៦នាក់ទី១ឈ្មោះឡយ ឡែនភេទ ប្រុស អាយុ ៣៣ ឆ្នាំនៅភូមិឈើខ្លឹមឃុំរំចេកស្រុកមេមត់ ទី២ ឈ្មោះ សុខ សុង ភេទប្រុសអាយុ ៦៤ ឆ្នាំនៅភូមិ-ឃុំគគីស្រុកមេមត់ ទី៣ ឈ្មោះ សេង ឌី ភេទប្រុសអាយុ ៣៩ ឆ្នាំ ទី៤ឈ្មោះ នឿន ឌឿន ភេទប្រុសអាយុ ៣៩ ឆ្នាំ ទី៥ឈ្មោះ ហើត សុខក្រី ភេទប្រុសអាយុ២៧ឆ្នាំអ្នកទាំងអស់រស់នៅភូមិ-ឃុំកន្លែងចាប់ខ្លួនខាងលើ។លោកបន្តថាក្នុងនោះជំនាញដកហូតបានមេអាប៉ោង៤គ្រាប់ ចានអាប៉ោង១ ផ្តិលសំរាប់គ្រប១ម៉ូតូចំនួន២គ្រឿង។
លោកអធិការបានអោយដឹងដែរថាបច្ចុប្បន្នជនសង្ស័យបានឃាត់ខ្លួនបញ្ជួនទៅកន្លែងអធិការដ្ឋានដើម្បីធ្វើការសាកសួ។ករណីនេះលោកអធិការបានសុំយោបល់សំរេចពីលោកស្នងការខេត្តត្បូងឃ្មុំ ម៉ៅ ពៅ ដើម្បីធ្វើកាអប់រំ៕
មតិយោបល់