អត្ថបទ ដែលខ្ញុំបាទដាក់ចំណជើងថាជាតិមុន បងជំពាក់អ្វីអូន គឺ ជាអត្ថបទក្តីស្នេហាជូរចត់របស់ខ្ញុំបាទលាង សុវណ្ណារ៉ា ជានិស្សិតនៅក្នុងរាជធានីភ្នំពេញ ដោយជំពប់ចិត្តស្រលាញ់លើមិត្តរួមថ្នាក់ រហូតដល់ផុងចិត្ត លង់ប្រាណ មិនអាចបំភ្លេចនូវសម្រស់ដ៏ស្រស់ផូរផងរបស់នាង បានឡើយ ។
កំណើតស្នេហ៍ដ៏ជូរចត់នេះត្រូវបានលាត់ត្រដាង នៅលើគេហទំព័រ ដំណឹង នេះតែម្តង ដោយមិនអាចទប់ចិត្ត(ស្នេហានេះមានរយៈ ២០០ ថ្ងែ) មិនឲ្យគិតបានទេ ហើយក៏គ្មានអ្នកពិភាក្សា បើនិយាយ ឬសរសេរប្រាប់គេហទំព័រ ដំណឹងប្រហែលជាធូរស្រាល ។ទោះជាយ៉ាងនេះក្តី វាពិតជាធូរស្រាលមែន តែ ការធូរស្រាលនោះគ្រាន់តែភាពបន្លំខ្លួនឯងតែប៉ុណ្ណោះ ទោះទទួលបាននូវការទូន្មានពីបងប្អូន ញាតិមិត្តក្តី តែទំហំ ស្រលាញ់ដែលជាប់ដាននូវស្នេហ៍ អតីតកាលមិនអាចបំភ្លេចបាននោះទេ ។ម្លោះហើយ ទោះអូនក្បត់បងបងសូមប្រាប់អូនថា បងនៅតែស្រលាញ់អូន ស្រលាញ់រហូត បន់ឲ្យតែមេឃភ្លឺ នឹងអាលបានឃើញដំបូលផ្ទះអូន មេឃភ្លឺហើយ ម្តេចឡើយ ពពកខ្មៅមួយដុំមកបាំងយ៉ាងនេះ ពុទ្ធោអើយ ! កែបម៉ូតូរបស់ខ្ញុំលែងបានដឹកនាងទៀតហើយ ព្រោះមានកែបថ្មី ដែលនៅនឹងមុខខ្ញុំ មកកាត់មុខកាត់មាត់ហើយ ។តើអូនអាចប្រាប់បងបានទេ ថាបងធ្វើអ្វីខុស? អូនកាត់ផ្តាច់ស្នេហាមួយដែលគ្មានកំហុសយ៉ាងនេះ តើជាតិមុនបងជំពាក់អ្វីអូន ? កម្មលោកីយ៏ សូមអ្នកមកផ្តាច់ជីវិតខ្ញុំទៅជាមួយនឹងភាពក្បត់របស់នាងទៅ ទេ បើខ្ញុំស្លាប់ប្រាកដជាមានឈ្មោះថា ជាប្រុសកំសាក់ជាក់ជាមិនខាន កើតមកជាប្រុសតើវាយ៉ាប់យ៉ាងនេះឬ ?ឬក៏ប្រុសៗជាអ្នកដែលចាំតែទទួលនូវទុក្ខសោក ខ្ញុំពិត ជាមិនយល់ទេ មេឃដី ខ្យល់ សូមនាំពាក្យដង្ហើយឈឺចាប់របស់ខ្ញុំនេះទៅប្រាប់នាងផង ថាជាតិនេះ ខ្ញុំសុខចិត្តទ្រាំឈឺចាំមើលក្បត់អស់លក្ខណ៍របស់អូន ។
ណ្ហើយ!បើសិននោះគឺជាក្តីសុខបែបកាមលោកីយ៍ដែលអូនត្រូវការ សូមឲ្យអូនបានសុខ ជាតិនេះ បងត្រឹមតែជាសង្សារ ដែលមកសងនូវកម្មអូនតែប៉ុណ្ណោះ! ៕
មតិយោបល់