ខេត្តបន្ទាយមានជ័យ៖ព្រឹកថ្ងៃទី២៧ខែតុលាឆ្នាំ២០១៤នៅ សណ្ឋាគារព្រះនច្ទ័ ស្ថិតនៅ ភូមិក្បាល សង្កាត់ព្រះពន្លា ក្រុងសិរីសោភ័ណខេត្តបន្ទាយមានជ័យ បានបើកសិក្ខាសាលាថ្នាក់ក្រោមជាតិស្តីពីវេទិការរាជរដ្ឋាភិបាលផ្នែកឯកជននិងយន្តការសម្រាប់បរិស្ថានពាណិជ្ជកម្មឲ្យកាន់តែល្អប្រសើរ។សិក្ខាសាលាថ្នាក់ក្រោមជាតិនេះមានការចូលរួម លោកចុងផែតអភិបាលរងខេត្តបន្ទាយមានជ័យ លោក លី អ៊ុនី ប្រធានមន្ទីរសភាពាណិជ្ជកម្មខេត្ត បន្ទាយមានជ័យ លោក ជា ប៊ុនធឿន តំណាងក្រសួងពាណិជ្ជកម្ម អ្នកស្រី ចាន់ ថេង អភិបាលក្រុងសិរីសោភ័និង សិក្ខាកាមចូលរួមចំនួន៧០នាក់។លោក លី អ៊ុកនី បានមានប្រសាសន៍ក្នុងសិក្ខាសាលានោះថាសិក្ខាសាលាថ្នាក់ក្រោមជាតិស្តីពីវេទិការរាជរដ្ឋាភិបាលផ្នែកឯកជននេះមានសារះសំខា ន់ណាស់សំរាប់សិក្ខាកាមបានចូលរួមក្នុងវគ្គសិក្ខាសាលានេះគឺដើម្បីយកទៅអនុវត្តនៅថ្ងៃមុខ។លោកបានបញ្ជាក់ទៀតថាសិក្ខាសាលានេះបានបើកទូលាយដែលមានការចូលរួមពីតំណាងផ្នែកឯកជននិងរដ្ឋសំរាប់ធ្វើការពិភាគ្សាដើម្បីស្វែងរកនូវដំណោះស្រាយប្រកបដោយសមធម៌និងតំលាភាពពីប្រមុខរាជរដ្ឋាភិបាលចំពោះបញ្ហាប្រឈមផ្សេងៗរបស់វិស័យឯកជន។លោកបានបញ្ជាក់ទៀតថាខេត្តបន្ទាយមានជ័យមានសក្តានុពលសេដ្ឋកិច្ចស្ទើរគ្រប់វិស័យដូចជា វិស័យកសិកម្ម កសិឧស្សាហកម្ម សេវ៉ាកម្មទេសចរណ៍ ឧស្សាហកម្មរ៉ែនិងថាមពល និងការដឹកជញ្ជូនជាដើម ។វិស័យទាំងអស់នេះគឺជាសសរស្តម្ភសំរាប់ទ្រទ្រង់កំណើនសេដ្ឋកិច្ចខេត្តដែលចាំបាច់ត្រូវមានការចូលរួមយ៉ាងសកម្មពីវិស័យឯកជនទាំងការវិនិយោគធនធានបច្ចេកទេសបង្កើតការងារគាំពារនូវវឌ្ឍនភាពសង្គមនិងបានចូលរួមកាត់បន្ថយភាពក្រីក្រ។លោក ចុង ផែត បានធ្វើការផ្តាំផ្ញើដល់អង្គសិក្ខាសាលាទាំងអស់នាឱកាសថ្ងៃនេះនិងសូមឲ្យច្បាមយកនូវកាលានុវឌ្ឍនភាពថ្មីមួយសំរាប់ជាជុំនួយសំរាបវិស័យសា ធារណៈនិងឯកជនដោយពង្រឹងនិងបង្កើនកិច្ចសហប្រតិបត្តិការរួមគ្នានិងកាន់តែយោគយល់គ្នាកាន់តែខ្ពស់ជាងមុនដើម្បីស្វែងរកនូវមធ្យោបាយសមស្របណាមួយសំរាប់រកដំណោះស្រាយរាល់បញ្ហាប្រឈមនិងអសកម្មនានាក្នុងការផ្តល់សេវាកម្មសាធារណះ។លោកបានបញ្ជាក់ថាត្រូវពង្រឹងអភិបាលកិច្ចល្អដើម្បីចូលរួមការកសាងនិងប្រឹក្សាលើគោលនយោបាយផ្សេងៗដូចជាការពង្រឹងនូវការអនុវត្តច្បាប់ប្រកបដោយស្ថេរភាពនិងសុខមាលភាពសង្គមដែលនិងផ្តល់នូវបរិស្ថានសមប្រកបល្អប្រសើរដោយស្ថេរភាពនិងសុខមាលភាពល្អប្រសើសម្រាប់ទាក់ទាញការវិនិយោគនិងពាណិជ្ជកម្មសម្រាប់ខេត្ត៕
ព័ត៌មានជាតិ
មតិយោបល់