កោះកុង ៖ រហូតដល់ពេលនេះ គឺមានរយៈពេល៣ថ្ងៃមកហើយ ដែលប្រជាពលរដ្ឋសហគមន៏ព្រែកខ្សាច់នៃឃុំជីខលើ បន្តធ្វើការតវ៉ាទាមទារឲ្យមានដោះលែងតំណាងរបស់ពួកគាត់ ដែលត្រូវតុលាការចាប់ឃុំខ្លួនកាលពីថ្ងៃទី២៧ ខែតុលា ឆ្នាំ២០១៤ កន្លងទៅ ក្នុងជម្លោះដីធ្លីជាមួយក្រុមហ៊ុនកោះកុង S.E.Z របស់លោកឧកញ្ញ៉ា លីយ៉ុងផាត់ ។
ក្រុមអ្នកតវ៉ានៅតែបន្តប្រមូលផ្តុំគ្នាដោយបោះតង់ដេក និងដាំបាយហូបនៅមុខសាលាដំបូងខេត្ត
តែម្តង ដោយពួកគាត់មានចងបដា និង រូបថតសម្តេចតេជោ និង លោកជំទាវ ប៊ុន រ៉ានីហ៊ុនសែន ថែមទាំងចាក់មេក្រូបំពងសម្លេងស្រែករកយុត្តិធម៌ និងទាមទារដោះលែងតំណាងរបស់គាត់ ទោះបីមានភ្លៀងធ្លាក់យ៉ាងណាក៏នៅតែតស៊ូក្រាញននៀលមិនទៅណាទេ ។ ការតវ៉ារបស់សហគមន៏នេះ ទោះជាយ៉ាងណាក៏ដោយមិនមានការអើពើពីអាជ្ញាធរខេត្ត ឬ ស្ថាប័នតុលាការឡើយ។
មន្ត្រីសាលាខេត្តធ្លាប់បាននិយាយនៅចំពោះមុខអ្នកការសែតថា ឲ្យអើពើយ៉ាងម៉េច បើគេមិនបានពឹងពាក់យើងផងនោះ ពោលគឺគេពឹងទៅខាងសង្គមស៊ីវិលទេ។
គួររំលឹកថា លោក ផន ណុល តំណាងប្រជាពលរដ្ឋឃុំជីខលើត្រូវបានចៅក្រមស៊ើបសួរ គឺលោក
ខាំ សុផារី សម្រេចបង្គាប់អោយឃុំខ្លួនបណ្តោះអាសន្ននៅថ្ងៃទី២៧ ខែតុលា ឆ្នាំ២០១៤ បន្ទាប់ពីកោះហៅមកបំភ្លឺនិង សាកសួររួច៕
មតិយោបល់