ក្រុងប៉ោយប៉ែត៖ពលករប្រុសស្រី រាប់ពាន់នាក់បន្តសម្រុកចេញតាមច្រករបៀង ពេលយប់និងពេលថ្ងៃដូចទឹកបាក់ទំនប់អ៊ឹចឹង បើទោះជាមានលោកផ្កាយ៤ ខេង សុមេធ និងចៅហ្វាយខេត្តបន្ទាយមានជ័យបានកោះហៅមេបញ្ជាការ មេបញ្ជាការរង និងមេប៉ុស្តិ៏តាមវរះការពារព្រំដែនគោកមកព្រមាននិងធ្វើកិច្ចសន្យាបែបណាក៏ដោយ ក៏អស់លោកខាងលើនោះ នៅតផ្គើនចំពោះបទបញ្ជារបស់លោកផ្កាយ៤នោះដែរ ។
សូមបញ្ជាក់ដែលថា សកម្មភាពពលករដែលសម្រុកចេញទៅប្រទេសថៃគ្មានច្បាប់នោះគឺកើតមានយ៉ាងកំហុកនៅក្នុងខែតុលា ឆ្នាំ២០១៤នេះតែម្តង ស្ថិតនៅត្រង់ចំណុចច្រករបៀងមួយចំនួនប៉ែកខាងជើងក្រុងប៉ោយប៉ែត គ្រប់គ្រងដោយវរះសេនាតូចលេខ៩១១ ឯប៉ែកខាងត្បូងក៏មានចេញផងដែរ ត្រង់ចំណុចប៉ុខាងត្បូងវត្តម៉ុងចិន គ្រប់គ្រងដោយវរះសេនាតូចលេខ៨៩១ ចំពោះនៅក្នុងស្រុកម៉ាឡៃ គឺមានពលករចំណាក់ស្រុកសម្រុកចេញច្រើនជាងគេ នៅចំណុចប៉ុស្តិ៏ស្វសយព្រៃ ភូមិចាន់គីរី ឃុំអូស្រឡៅ ស្រុកម៉ាឡៃ ខេត្តបន្ទាយមានជ័យ ផងដែរ។
គួរំលឹកដែលថា កាលពីកណ្តាលខែតុលា កន្លងទៅ មានការលួចអនុញ្ញាតិអោយនាំបទល្មើសចូលមកកម្ពុជាតាមច្រករបៀងដូចជា ជ្រូកក្រហម មាន់រស់មាន់ងាប់ ឈើគ្រញូង ហ្គាសគេចពន្ធ និងគ្រឿងបរិភោគផ្សេងៗទៀតដោយខុសច្បាប់ ត្រូវបានមន្ត្រីប៉ូលីសតាមព្រំដែនគោកខាងលើនោះ នាំចូលដូចទឹកបាក់ទំនប់ ក្រោយមកឧត្តមសេនីយខេងសាមេធ និងចៅហ្វាយខេត្តបានបើកការប្រជុំបន្ទាន់មួយ ក្នុងអង្គភាពស្នងការនគបាលខេត្តបន្ទាយមានជ័យតែម្តងដើម្បីហៅកូនចៅក្រោមឱវាទរបស់ខ្លួនមកងូតទឹកដុសក្អែល និងធ្វើកិច្ចសន្យាអោយរុះរើក្បូននិងទូក ខ្សែររ៉ត ចេញពីព្រំដែនទាំងអស់ ក្រោយមកគេបានសង្កេតឃើញរាល់បទល្មើសដូចខា
ងលើនោះ បានកំរើកឡើងវិញដេញទាន់ជាន់កែង ថ្នាក់ដឹកនាំរបស់ខ្លួនតែម្តង។
តាមការអោយដឹងពីប្រជាពលរដ្ឋនៅតាមខ្សែរបន្ទាត់ព្រំដែនបានអោយដឹងថា ក្នុងមួយយប់ៗពួកគាត់ដេកពុំសូវបាននោះទេ ព្រោះថ្លង់នឹងរថយន្តដឹកពលករនិងទំនិញ និងម៉ូតូ ចុះឡើងពីព្រលប់រហូតទល់ភ្លឺ បង្កអោយពួកគាត់មានការភ័យខ្លាចទៀតផង ប្រជាពលរដ្ឋដដែលបានបញ្ជាក់ទៀតថា គ្រប់ទង្វើរខាងលើនោះ វាមិនខុសពីខ្មោចងាប់ទៅហើយ ហើយដើរលងអ្នកស្រុករាល់យប់មិនដែលខាន នេះឬបទបញ្ជាដ៏ថ្លៃថ្លា របស់លោកផ្កាយ៤កន្លងទៅនោះ ពលរដ្ឋបានបន្តទៀតថា បើទុកអោយខ្មោចច្រករបៀងចាប់ជាតិឡើងវិញនោះ ច្បាស់ជាអ្នកស្រុកលែងរស់នៅក្នុងតាមភូមិដ្ឋានទៀតហើយ ព្រោះវាថ្លង់ពេក សូម្បីតែ មនុស្សចាស់និងស្ត្រីកូនខ្ចីក៏ដេកនៅមិនបានផង ប្រជាពលរដ្ឋទាំងនោះសំណូមពរ ទៅដល់លោកអគ្គបញ្ជាការនគរបាលជាតិមេត្តាជួយមានវិធានការ ទប់ស្កាត់ផងដើម្បីអោយពួកគាត់សុខស្រួលក្នុងការរស់នៅដូចពលរដ្ឋឯទៀតផងនោះ ។
លោក ឈិត លី មេបញ្ជាការវរះការពារព្រំដែនគោក៨១៥ ប្រចាំស្រុកម៉ាឡៃ បានអោយដឹងថា រឿងពលករចេញចូលតាមច្រករបៀងនោះ គឺលោកមិនហានបដិសេធទេ ប៉ុន្តែកូនចៅរបស់លោកគឺលោកបានព្រមាននិងធ្វើកិច្ចសន្យារួចហើយ បើសិនជាមានចេញពលករខុសច្បាប់ត៏ទៅទៀតនោះ គឺលោកនិងរាយកាណ៏ជូនទៅថ្នាក់លើ បន្តទៀតនាពេលខាងមុខនេះ៕
មតិយោបល់