ប្រជាពលរដ្ឋចំនួន៣ភូមិ រស់នៅក្នុងឃុំកំពង់ភ្នំ ស្ថិតក្នុងស្រុកលើក ខេត្តកណ្តាលបានសហការគ្នាបើកកាណូតប្រដេញទូកនេសាទ ជនជាតិវៀតណាមធំៗចំនួនពីរគ្រឿង ដែលត្រូវបានអាជ្ញាធរបើកដៃឲ្យប្រើឧបករណ៏នេសាទខុសច្បាប់។
ហេតុការណ៍នេះ ព័ទ្ធចាប់ទូកនេសាទជនជាតិវៀតណាមខាងលើ បានកើតឡើងកាល ពីព្រឹកថ្ងៃទី៣០ ខែតុលា ឆ្នាំ២០១៤ នៅចំណុចមាត់ទន្លេមេគង្គ ស្ថិតនៅភូមិក្បាលជ្រោយ ឃុំកំពង់ភ្នំ ស្រុកលើកដែកជាប់ព្រំប្រទល់ស្រុកកៀនស្វាយ ខេត្តកណ្តាល។ បន្ទាប់ពីធ្វើការព័ទ្ធចា ប់ទូកនេសាទខុសច្បាប់ជនជាតិវៀតណាម ទាំងពីរគ្រឿង ប្រជាពលរដ្ឋក៏បានរាយការណ៍ដល់ អាជ្ញាធរនិងមន្ត្រីជំនាញ និងបានសំណូមពរដុតបំផ្លាញចោល នូវឧបករណ៍នេសាទល្មើសច្បា ប់ទាំងនោះនៅហ្នឹងកន្លែង ដោយមិនឱ្យយកទៅណាឡើយ។
ក្រុមពលរដ្ឋនិយាយថាសព្វថ្ងៃ ពួកគាត់ប្រកបរបរនេសាទជាលក្ខណ:គ្រួសារ ដាក់មង ចងសន្ទូចបន្តិចបន្តួចដើម្បីចិញ្ចឹមឆ្នាំង នៅតាមដងទន្លេមេគង្គ ពិបាករកស៊ីណាស់ ព្រោះធនធានមច្ឆាជាតិកាន់តែខ្សត់ទៅៗ ដោយសារតែពួកឈ្មួញទុច្ចរិត ប្រើប្រាស់ឧបករណ៍ខុសច្បាប់ ដូចជាអូសអួនក្រញឹកដាក់ប្រដាប់ឆក់ត្រជាក់ នៅតាមជើងអួន ចាប់ត្រីទាំងតូចទាំងធំទាំងយប់ទាំងថ្ងៃ និងបានធ្វើឱ្យដាច់មងសន្ទូចរបស់ពួកគាត់ថែមទៀត។ ប្រជានេសាទទាំងបីភូមិបានបញ្ជាក់ដែរថា បទល្មើសនេសាទនេះគឺបានកើតឡើងរាប់ខែមកហើយ ប៉ុន្តែពុំដែលឃើញអាជ្ញាធរឬមន្ត្រីជំនាញណា អើពើនិងចុះបង្ក្រាបនោះទេ ទើបតែពេលនេះទ្រាំលែងបាន ក៏នាំគ្នាប្រដេញព័ទ្ធចាប់តែម្តងទៅ។
ពួគគាត់បន្ថែមថា នៅពេលដែលពួកគាត់ដេញចាប់នោះ ពួកអ្នកនេសាទជ នជាតិវៀតណាមមានគ្នា៥នាក់ មិនមានការកោតខ្លាចនោះឡើយ ថែមទៀតបង្កើនល្បឿនកាណូតរត់គេច និងបើបុកពន្លិចទូកប្រជានេសាទ ដែលព័ទ្ធចាប់មួយគ្រឿង បណ្តាលឱ្យលិចទៀត និងបម្រុងតដៃថែមទៀតផង ប៉ុន្តែដោយប្រជានេសាទមានចំនួនច្រើនទើបចាប់បាន ហើយក្នុងគ្រានោះពួកគេទាំង៥នាក់ ក៏បានកាត់ផ្តាច់ដុំឆកត្រជាក់ទម្លាក់ចូលទៅក្នុងទន្លេ ដើម្បីបំបាត់ភស្តុតាង។ ជនជាតិវៀតណាមទាំង៥នាក់មានឈ្មោះ ចាំង យ៉ាំងវ៉ឺង ភេទប្រុស ទី២ ឈ្មោះឃ្វៀង យ៉ាំងតាំ ភេទប្រុស ទី៣ឈ្មោះឃ្វៀង យ៉ាំងឡាំ ទី៤ឈ្មោះឃ្វៀង យ៉ាំម៉េវ និងទី៥ ឈ្មោះឃ្វៀង យ៉ាំងយ៉។
ពាក់ព័ន្ឋករណីនេះ លោកម៉ា សំខាន់ នាយសង្កាត់រដ្ឋបាលជលផលស្រុកលើកដែក បានមានប្រសាសន៍ថា ក្រោយពេលមន្ត្រីជំនាញនិងសមត្ថកិច្ចចុះមកដល់ ធ្វើការត្រូតពិនិត្យរកមិ នឃើញឧបករណ៍ឆក់ត្រជាក់ ដូចប្រជាពលរដ្ឋចោទប្រកាន់នោះទេ ឃើញតែសាច់អួនប្រភេទ ម៉ាញ់ដែលឧបករណ៍ប្រភេទនេះ នៅរដូវបើកនេសាទគេមានអាជ្ញាប័ណ្ណបើកឱ្យរក។ ប៉ុន្តែដើ ម្បីឱ្យប្រជាពលរដ្ឋអស់ចិត្ត ក៏យល់ព្រមតាមសំណូមពររបស់ពួកគាត់ ដុតកម្ទេចចោលនៅហ្នឹង កន្លែងទៅតាមសំណូមពរ។ ចំណែកឯទូកនិងជនជាតិវៀតណាមទាំង៥នាក់ ក្រោយពីឱ្យ ធ្វើកិច្ចសន្យាបញ្ឈប់ ក៏បានដោះលែងឱ្យត្រឡប់ទៅផ្ទះអស់វិញទៅ៕
មតិយោបល់