ភ្នំពេញ ៖ ជនសង្ស័យពីរនាក់បានធ្វើសកម្មភាពឆបោក យកគ្រឿងអលង្ការពីនារីវ័យក្មេងម្នាក់ ដោយរៀបល្បិចរើសបានកញ្ចប់មាស ហើយយកទៅដោះដូរជាមួយកងដៃចំនួន៧កង
និង ចិញ្ចៀនមួយវង់ សរុបជាទឹកប្រាក់ជាង៥០០ដុល្លា របស់ជនរងគ្រោះរួចគេចខ្លួនបាត់ស្រមោល ។ ហេតុការណ៍ខាងលើនេះបង្កឱ្យមានការភ្ញាក់ផ្អើលកាលពីវេលាម៉ោង ៧ នង២០នាទី យប់ថ្ងៃទី១១ ស្ថិតនៅចំណុចសួនកុមារពោធិ៍ចិនតុង ស្ថិតនៅក្នុងសង្កាត់កាកាប ខណ្ឌពោធិ៍សែនជ័យ ។
នារីរងគ្រោះឈ្មោះ ចន ស្រីនាងអាយុ២១ឆ្នាំ មុខរបរលក់គុយទាវ ស្នាក់នៅក្នុងភូមិតាងួន សង្កាត់កាកាប ខណ្ឌពោធិសែនជ័យ និងមានស្រុកកំណើតនៅក្នុងភូមិបារាយណ៍ខាងកើត ស្រុកកំពង់លាវ ខេត្តព្រៃវែង ។
ប្រភពព័ត៌មានពីកន្លែងកើតហេតុបានឱ្យដឹងដែរថា នៅមុនពេលកើតហេតុនារីរងគ្រោះបានដើរចេញពីកន្លែងលក់គុយទាវដែលដាក់លក់នៅក្បែរស្តុប២០០៤ នោះ ខណៈកំពុងតែដើរស្រាប់តែមានបុរសម្នាក់ជិះម៉ូតូមួយគ្រឿងពាក់សុវត្តិភាពនោះទេ បានជិះម៉ូតូមកឈប់អែបនារីរងគ្រោះ ហើយសួរនារីរងគ្រោះថា មានរើសបានកាបូបមួយអត់ ? ហើយនារីរងគ្រោះឆ្លើយតបវិញថាអត់ឃើញទេ ពេលនោះជនសង្ស័យក៏ជិះម៉ូតូចេញបាត់ទៅ។ ស្របពេលជាមួយគ្នានោះផងដែរ ក៏មាននារីសង្ស័យពីរនាក់បានដើរមកជិតនារីរងគ្រោះ ហើយក៏មាននារីម្នាក់ក្នុងចំណោមនារីសង្ស័យ ទាំងពីរនាក់នោះនិយាយថា <<ខ្ញុំរើសបានកាបូបមួយ>>ដែលក្នុងនោះមានមាស លុយ ហើយយើងយកទៅលក់យកលុយចែចាយគ្នា។
នារីរងគ្រោះពេលឮជនសង្ស័យនិយាយដូច្នេះក៏មានចិត្តចង់បានរបស់ដែលរើសបាននោះដែរទើបធ្វើឱ្យនាងសុខចិត្តទៅជាមួយក្រុមជនសង្ស័យទាំងពីរនាក់នោះ បន្ទាប់មកជនសង្ស័យ២នាក់ រួមទាំងនារីរងគ្រោះបានហៅម៉ូតូឌុបមួយគ្រឿងឱ្យឌុបទៅផ្សារពោធិ៍ចិន្តតុង ដើម្បីទៅលក់របស់ដែលរើសបាននោះយកលុយចែកគ្នា ។ខណៈម៉ូតូឌុបឌុបនារីរងគ្រោះ និងនារីសង្ស័យខាងលើទៅដល់សួនកុមារពោធិ៍ចិនតុងក៏បានឈប់ដាក់អ្នទាំងបីចុះ ហើយជនសង្ស័យក៏ដណ្តើមគ្នាទៅលក់របស់ដែលរើសបាននោះ ។ជនសង្ស័យក៏បានយកកញ្ចប់មួយកញ្ចប់ដែលប្រាប់ជនសង្ស័យថាមានមាសនោះ និងលុយ ហើយជនរងគ្រោះក៏បានប្រគល់កងដៃ៧ កង និងចិញ្ចៀន មួយវង់សរុបជាប្រាក់ចំនួនចាង៥០០ដុល្លារ ទៅឱ្យនារីសង្ស័យទាំងពីរនាក់នោះ ។ រីឯនារីរងគ្រោះពេលដែលនារីសង្ស័យជិះម៉ូតូឌុបចេញទៅផុត ទើបបើកមើលកញ្ចប់នោះក៏ឃើញសុទ្ធតែខ្សាច់ទើបដឹងថាចាញ់បោកគេ ។ ហើយក៏ឱ្យបុររត់ម៉ូតូឌុបទៅ ជិះដេញតាមនារីសង្ស័យខាងលើ តែបុរសរត់ម៉ូតូ ដូចជាមិនចង់ជិះដេញតាមទាល់តែសោះ ។ ក្រោយពេលកើតហេតុនារីរងគ្រោះត្រូវបានសមត្ថកិច្ចនាំខ្លួនទៅសាកសួរពត៌មាននិងធ្វើការដាក់ពាក្យបណ្តឹងនៅប៉ុស្តិ៍នគបាលរដ្ឋបាលកាកាប។
មតិយោបល់