បាត់ដំបង: បើគេចំណាយតែប្រាក់ចំនួន 50 បាតនោះគេនឹងបានសំបុត្រមួយសន្លឹកដើម្បីចូលទៅលេង
ឬភ្នាល់ដាក់លុយយ៉ាងសប្បាយជាមួយនឹងល្បែងជល់មាន់និងល្បែងអាប៉ោងដែលគេបើកដោយចំហរនៅក្នុងកាស៊ីណូយីហោ វ៉ាណាធៀន ហ្រេ្គនដ៍រីសត អិលធីឌី ដែលស្ថិតនៅត្រង់ផ្លូវបំបែកទៅច្រកតំបន់ភ្នំដី
ក្នុងភូមិគីឡូ 13 ឃុំសន្តិភាព ស្រុកសំពៅលូន ខេត្តបាត់ដំបង ដោយការទិញសំបុត្រនេះត្រូវចូលតាមច្រក
ទ្វារខាងក្រោយហើយចង់លេងជល់មាន់ក៏បាន ហើយចង់លេងអាប៉ោងក៏បាន ពិសេសបើ ចង់លេង
ហ្គេមបែបស្លុតម៉ាស៊ីនក៏កាន់តែប្រសើរដែរព្រោះវាមានទីតាំងនៅជាប់គ្នា. ។
គួរបញ្ជាក់ថា កន្លងមកក្រសួងសេដ្ឋកិច្ចនិងហិរញ្ញវត្ថុធ្លាប់ចេញសារាចរណែនាំមួយដោយយោង
ទៅលើបទបញ្ជារបស់ប្រមុខនៃរាជរដ្ឋាភិបាលបានជំរាបដល់បណ្តាកាស៊ីណូទាំងអស់នៅទូទាំងព្រះរាជាណាចក្រកម្ពុជាគឺមិនអនុញ្ញាតិអោយជនជាតិខ្មែរចូលលេងជាដាច់ខាត បើកាស៊ីណូណាមិន
អនុវត្តន៍តាមសារាចរណែនាំនេះទេ ក្រសួងមានសិទ្ធិដកហូតអាជ្ញាប័ណ្ណដោយធ្វើការផ្អាកអាជីវកម្ម។
ផ្ទុយទៅវិញគេសង្គេតឃើញថាកាស៊ីណូមួយកន្លែងនៅក្នុងស្រុកសំពៅលូនដែលមាន
យីហោ វ៉ាណាធៀន ហ្រេ្គនដ៍រីសត អិលធីឌី បានបើកអោយដំណើរការនូវល្បែងជល់មាន់និងអាប៉ោង
យ៉ាងគគ្រឹកគគ្រេងដោយក្នុងនោះមានជនជាតិខ្មែរចូលទៅលេងប្រមាណ 90 % ក្រៅពីនោះគឺជា
ជនជាតិថៃ ហើយក្នុងមួយសប្តាហ៍គេកំណត់ថ្ងៃលេងចំនួន 3 ថ្ងៃគឺថ្ងៃច័ន្ទ ព្រហស្បតិ៍ និងសុក្រ ដែល
ក្នុងមួយថ្ងៃៗមានភ្ញៀវខ្មែរស្ទើរតែទាំងស្រុងដោយសង្វៀនមានចំនួន 3 គឺធំមួយនិងតូចពីរ ហើយក៏មាន
អាប៉ោងមួយវង់ផងដែរដែលគេបានដាក់តុយ៉ាងវែងដូចជាតុបាយសំរាប់អោយភ្ញៀវអង្គុយចាក់. ។
បើតាមប្រភពអ្នកលេងដែលភាគច្រើនទៅពីខេត្តបាត់ដំបងបាននិយាយថានៅទីនោះ
គឺលេងស្រួលដោយមិនភ័យនឹងប៉ូលីសចាប់ឡើយហើយម្យ៉ាងទៀតពេលឈប់លេងជល់មាន់បើ
ចង់ចូលទៅចាក់ហ្គេមស្លុតម៉ាស៊ីនដែលស៊ីសងលុយសុទ្ធក៏ងាយស្រួលដែរព្រោះទីតាំងនេះវានៅជិតគ្នា
ហើយទីនេះគឺគេបើកលែងស្ទើរតែចង់ដុះស្លែទៅហើយគ្មានអ្នកណាហ៊ានក្អកនោះទេ. ។
កាលពីវេលាម៉ោង 9 និង 50 នាទីនាព្រឹកថ្ងៃទី 11-11-14
បុរសម្នាក់ដែលជាតំណាងក្រុមហ៊ុន វ៉ាណាធៀន បានប្រើសំដីដ៏អសុរសថាអោយសំលឹងមើលនៅទូទាំងប្រទេសផងកុំអោយមើលឃើញតែកន្លែងរបស់លោកពេក ដោយលោកទទួលស្គាល់ថាទីតាំងរបស់លោកពិតជាមានខ្មែរលេងមែន ប៉ុន្តែពេលឮសំនួរពាក់ព័ន្ធទៅនឹងសារាចរណែនាំរបស់ក្រសួងសេដ្ឋកិច្ច
និងហិរញ្ញវត្ថុ ព្រមទាំងបទបញ្ជារបស់រាជរដ្ឋាភិបាលស្រាប់តែតំណាងក្រុមហ៊ុននោះបិទទូរស័ព្ទតែម្តង។
ពាក់ព័ន្ធទៅនឹងការចាក់ភ្នាល់ក្នុងម្នាក់ៗចាញ់ឈ្នះរាប់ពាន់ដុល្លារលើមាន់មួយគូៗគួរណាស់
តែក្រសួងសេដ្ឋកិច្ចនិងហិរញ្ញវត្ថុដែលជាអ្នកចែងច្បាប់នេះមេត្តាដាក់កំលាំងចុះពិនិត្យនិងអង្គេតមើល
ដោយចង់ដឹងថាហេតុអ្វីបានជាកាស៊ីណូនេះមានភាពរឹងរូសសោយមិនព្រមអនុវត្តន៍តាមសារាចរ
ណែនាំបែបនេះ? ដើម្បីធានាអោយបាននូវគោលនយោបាយភូមិ ឃុំមានសុវត្តិភាពទាំង 9 ចំនុច
ដែលប្រមុខនៃរាជរដ្ឋាភិបាលបានដាក់ចេញនេះតើក្រសួងនឹងមានវិធានការបែបណាទៅវិញព្រោះ
បច្ចុប្បន្ននៅតាមបណ្តាស្រុកក្នុងខេត្តគេបានលុបបំបាត់ជាបណ្តើរៗហើយដូច្នេះគួរតែជៀសអោយផុត
នូវពាក្យរិះគន់ពីមជ្ឈដ្ឋាននានាដោយសារតែក្រុមហ៊ុននេះមិនគោរពច្បាប់. ៕
ព័ត៌មានជាតិ
មតិយោបល់