​អេ​ស្ប៉ាញ​៖ គ្រូបង្វឹក​ថ្មី Real Sociedad លោក David Moyes បាន​អះអាង​ថា ក្រប​ខណ្ឌ Spanish Primera Division គឺ​ល្អ​ជាង Premier League ។​
​អតីត​គ្រូបង្វឹក​បិសាច​ក្រហម David Moyes ធ្លាប់​បាន​ចំណាយពេល ១១ ឆ្នាំ ជាមួយនឹង Everton តែ​អ​កុសល្យ នៅ​បិសា​ក្រហម​បាន​តែ ១០ ខែ ត្រូវបាន​ម្ចាស់​ក្លិប​បណ្តេញចេញ តែ​ថ្ងៃ​ព្រហស្បត្តិ៍ ម្សិលមិញ ត្រូវបាន​គេ​តែងតាំង​ជា​គ្រូបង្វឹក​ថ្មី​របស់ Sociedad ។

​លោក Moyes បាន​និយាយប្រាប់​អ្នកសារព័ត៌មាន​ថា “​ក្លិប Real Sociedad នៅតែ​ជា​អក្សរ​មួយ​ស្ថិតក្នុង​បេះដូង​ខ្ញុំ ។ ម្យ៉ាងវិញទៀត ក្រប​ខណ្ឌ La Liga គឺ​ល្អ ដោយ​មាន​កីឡាករ​ល្អៗ និង​គ្រូបង្វឹក​ដ៏​អស្ចារ្យ ហើយ​ខ្ញុំ​ចង់​សាកល្បង​ប្រឆាំង​នឹង​ចំណុច​ល្អ​នេះ​” ។​
​បញ្ជាក់​ផង​ដែរ​ថា Moyes នឹង​ដឹកនាំ​ក្លិប​របស់ខ្លួន លេង​ខណៈ​ប៉ះ​ក្លិប Deportivo នៅ​ថ្ងៃ​ទី ២២ ខែ វិច្ឆិកា ខាងមុខនេះ ហើយ Moyes បាន​និយាយថា គាត់​កំពុង​សម្លឹង​ទៅមុខ ដើម្បី​បង្ហាញ​ការកត់សម្គាល់​ជូន​ក្លិប ៕

​