កំពង់ធំ៖ ជំលោះអំពើហឹង្សាមួយបានឈានដល់ការឃាតកម្ម ដោយសារគ្រួសារប្តីប្រពន្ឋ២នាក់ឈ្លោះគ្នាវាយ តបប្រពន្ឋ ឳក្មេកឃើញកូនប្រសារវាយកូនស្រីរបស់ខ្លួន ហើយបានឡើងទៅឃាត់កូនប្រសារតែដល់ហាមមិនស្តាប់ឳក្មេកដែលជាជនពិការជើងម្ខាង បានយកដែករ៉ឹងធ្ងន់ដែលជាដែកច្រត់ វាយយ៉ាងពេញទំហឹងចំខាងលើកញ្ចឹងករ បណ្តាលឲ្យសម្លាប់បាត់ស្មារតី ។
តាមប្រភពព័ត៌មាននៅកន្លែងកើតហេតុបានឲ្យដឹងថា ក្រោយពីជនរងគ្រោះបានសម្លប់ ក៏ដោយសារតែ ម្តាយក្មេក ប្រពន្ឋ បាននាំគ្នាចាប់ឲ្យឳពុកក្មេកវាយដើម្បីព្រមាន តែដល់ជ្រុលដៃក៏ជនរងគ្រោះបានសម្លប់នៅ កន្លែងកើតហេតុ ក្រោយមកឳក្មេកនិងប្រពន្ឋបានអូសយកទៅដាក់ក្រោមជម្រុកស្រូវ លុះជនរងគ្រោះដឹងខ្លួន ក៏ត្រូវបានសាច់ញ្ញាតិដឹកយកទៅពេទ្យភូមិ ដើម្បីដេររបួសចំនួន ៦ធ្នេរ ដែលបានបែកនៅផ្នែកខាងក្រោយ លើកញ្ចឹងករ តែជនរងគ្រោះមានអាការៈមិនស្រួល ដើរងងឹតមុខដួលជាច្រើនដង លុះបងថ្លៃដឹកមកពីពេទ្យ វិញជនរងគ្រោះបានឡើងទៅលើផ្ទះមួយសន្ទុះធំក្រោយមក កូនស្រីជនរងគ្រោះបានឡើងទៅលើផ្ទះក៏ស្រាប់តែឃើញឳពុករបស់ខ្លួនស្លាប់ដោយអង្គុយលុតជង្គង់ ក្បែរសសរផ្ទះ ចំណែកនៅនិងករ ជនរងគ្រោះមាន ខ្សែអង្រឹងរុំនៅនឹងកជនរងគ្រោះ ចំណែកបងថ្លៃបានឡើងទៅមើលទើបបានផ្អើលឆោឡោរ ថាមានករណី ចងករសម្លាប់ខ្លួន ហេតុការនេះបានកើតឡើងកាលពីថ្ងៃទី ១៥ វិច្ឆិកាឆ្នាំ ២០១៤ វេលាម៉ោង៤ល្ងាច ។
ចំណែកសាច់ញ្ញាតិ ខាងជនរងគ្រោះកើតការមិនពេញចិត្ត ក៏បានប្តឹងទៅសមត្ថកិច្ចឲ្យជួយរកយុត្តិធម៌ថា ជនរងគ្រោះពិតជាមិនមែនស្លាប់ដោយសារតែការចងករសម្លាប់ខ្លួនដោយការចោទប្រកាន់នោះទេ ទើបលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ បានបញ្ជាឲ្យលោក សាយ ណូរ៉ា ព្រះរាជអាជ្ញារង ដឹកនាំកម្លាំងសមត្ថកិច្ចប៉ូលិសព្រហ្មទណ្ឌនៃស្នងការនគរខេត្តកំពង់ធំ និងឲ្យចុះមកទីតាំងផ្ទះជនជនគ្រោះ និងផ្ទះជនសង្ស័យដើម្បីរកភាពយុត្តធម៌ នៅថ្ងៃទី ២០ ខែ វិឆ្ឆិកា ឆ្នាំ ២០១៤តែក្រោយមកដោយសារតែចម្លើយមានភាពមិនប្រកតី ទើបលោក សាយណូរ៉ា ព្រះរាជអាជ្ញារង បានសម្រេចគាស់ភ្នូរខ្មោចដើម្បីធ្វើកោសល្សវិឆ្ឆ័យរកភាពយុត្តធម៌ជូនជនរងគ្រោះ។ លោកសាយ ណូរ៉ា បានធ្វើដំណើរឆ្ពោះទៅ ទីទួលកបខ្មោច ដោយមានអាចារ្យសែនព្រេនសុំ ម្ចាស់ទឹកដីកុំប្រកែប្រកាន់ ដើម្បីសុំគាស់យកសាកសព ក្រោយមកទើបធ្វើសកម្មភា គាស់យកខ្មោចចេញពី មឈូសដើម្បីធ្វើកុសល្សវិច្ឆ័យ នៅចំនុចប្រដាប់ភេទ ចំនុចរាងកាយ និងចំនុចកជនរងគ្រោះ នៅលើកញ្ចឹងក នឹងនៅករបស់ជនរងគ្រោះតែពុំប្រទះឃើញមានស្នាកស្នាម ការចងកធ្វើឃាតកម្មនោះទេ ជនរងគ្រោះមានឈ្មោះ ឈិត ម៉ម ភេទប្រុស អាយុ ៣៦ឆ្នាំ មានកូន៤នាក់ បច្ចុប្បន្នរស់នៅឃុំកំពង់ឈ្វា ឃុំគោល ស្រុកប្រាសាទសំបូរ ខេត្តកំពង់ធំ ។លោក សាយ ណូរ៉ា បានឲ្យដឹងថា ក្រោយពីសមត្ថកិច្ចគាស់ខ្មោចយកមកធ្វើកោសល្សវិឆ្ឆ័យ ដែលមានការចូលរួមពី សំណាក់វេជ្ជបណ្ឌិត វ៉ាន ឌី នាយផ្នែកមន្ទីរពេទ្យកំពង់ធំ លោក នួន យ៉ែម ឳពុកជនរងគ្រោះលោក ជា ថា មេឃុំគោល អធិការស្រុក ព្រមទាំងជំនាញ ក្រោយពីបានពិនិត្យឃើញថា ជនរងគ្រោះបានស្លាប់ និងមានស្នាមរបួសនៅខាងក្រោយក្បាល ព្រមទាំងស្នាមជាំនៅផ្នែកខាងក្រោយ ហើយដោយយោងតាមសាក្សី និងពាក្យបណ្តឹងរបស់សាច់ញ្ញាតិជនរងគ្រោះថា ដោយមានការឯកភាពពីលោក អ៊ិត សុធា ពីព្រះរាជអាជ្ញាអមសាលាដំបូងកំពង់ធំ សម្រេចឃុំខ្លួនលោក អុំច្រឹង ដែលជាជនពិការនិងបានប្រើហឹង្សាទៅលើជនរងគ្រោះ ចំណែកសាកសពដែលបានអង្គុយស្លាប់ សមត្ថកិច្ចកំពង់ដុតដៃដុតជើងស្រាវជ្រាវរកឲ្យឃើញថាតើសាកសពដែលស្លាប់ បានអ្នកណាមកជួយអុំច្រឹងលើកសាកសពដើម្បីចងកបំភាន់ដានសមត្ថកិច្ច ហើយឲ្យសមត្ថកិច្ចយល់ថា ជាករណីស្លាប់ដោយចងករធ្វើអត្ថឃាត ។
ពាក់ព័ន្ឋទៅនឹងបញ្ហាជំម្លោះដោយហឹង្សដោយចេតនានេះ ក្រោយពីមនុស្សបានស្លាប់ជាច្រើនថ្ងៃទៅហើយក្តៅ លោក ឆែម ដែលជាមេប៉ុស្តិ៍រដ្ឋបាលឃុំគោល ពុំបានធ្វើកំណត់ហេតុ និងពុំមានការចូលរួមពីវេជ្ជបណ្ឌិត និងសមត្ថកិច្ចជំនាញនោះទេ ថែមទាំងមិនខ្ចីធ្វើកំណត់ហេតុសាកសពទៀត ទើបតែបែករឿងដល់លោក ព្រះរាជអាជ្ញាបញ្ជាឲ្យកងកម្លាំងចុះមក ស៊ើបអង្កេតករណីជំលោះហឹង្សានៅថ្ងៃទី២០ ទើបលោក ឆែម មេប៉ុស្តិ៍នាំមន្ត្រីម្នាក់មកធ្វើកំណត់ហេតុ ។
ចំណែកលោក យ៉េង សារ៉េន អធិការស្រុកប្រាសាទសំបូរ ក៏ប្រឈមមុខនឹងការចោទប្រកាន់ ពីការឃុបឃិតបិទសំណុំ រឿងឃាតកម្មដោយជំលោះហឹង្សាក្នុងគ្រួសារ ដោយមិនព្រមរាយការណ៍ទៅព្រះរាជអាជ្ញា និងលោកស្នងការនគរបាលខេត្តកំពង់ធំ ខណៈពេលដែលកើតរឿងធំប៉ិនយក្ស និងត្រូវបានមហាជនរិះគន់ថា មេប៉ិស្តិ៍ និងអធិការ ប្រហែលជាបានទទួលលាភស្ការៈពីក្រុមគ្រួសារជនដៃដល់ ទើបបានជាផ្អិបសំណុំរឿងមិនព្រមរាយការណ៍ទៅថ្នាក់លើ ។
លោក យ៉េង សារ៉េន អធិការស្រុកប្រសាទសំបូរបានឲ្យដឹងថា នៅថ្ងៃកើតហេតុលោក វេលាម៉ោង៤ ជិត៥ល្ងាច នាយ ប៉ុស្តិ៍បានទូរស័ព្ទប្រាប់ថា មានករណីធ្វើអត្តឃាតចងកសម្លាប់ខ្លួនឯង លោកយល់ឃើញថា ជិតយប់ហើយ ក៏បានឲ្យឃុំ និងមន្ត្រីប៉ូលិសពិនិត្យរួចប្រគល់សាកសពជូនគ្រួសារធ្វើបុណ្យតាមប្រពៃណី ដោយពុំនឹកស្មានថាជាករណីអំពើឃាតកម្ម សម្លាប់បំភាន់ដានដោយចងករ ទើបពុំបានឲ្យសមត្ថកិច្ចជំនាញ និងគ្រូពេទ្យចូលរួម ។
តាមសាក្សសាច់ញ្ញាតិជនរងគ្រោះ ដែលបានឡើងទៅលើផ្ទះ និងត្រូវជាបងថ្លៃបានឃើញសាកសពដំបូងលោក បានអះអាងថា ជនរងគ្រោះបានស្លាប់អង្គុយហើយផ្អែកទៅក្រោយ ចំណែកខ្សែអង្រឹងគឺគ្រាន់តែយកមករុំនៅនឹងករបស់ជន រងគ្រោះដោយសាកសពមិនផុតពីក្តាផ្ទះនោះទេ រីឯក្បាលផ្នែកខាងក្រោយហូរឈាមមិនឈប់ ក្នុងពេលនោះលោកមានចិត្តចម្លែកថា បើប្អូនថ្លៃគាត់ចងករ ហេតុដូចម្តេចបានជាផ្នែកដូចដេកលក់ អណ្តាតអត់លានចេញក្រៅ ហើយអង្គុយស្លាប់ដូចគេដាក់ឲ្យអង្គុយផ្អែកសរសផ្ទះទៅវិញ ដូចបានហៅបងប្អូនមកមើលទើបនាំគ្នាមិនសុខចិត្តតវ៉ាឡើងវិញ។
មហាជនទូទៅសុទ្ធតែបានដឹងបានលឺនិងយល់ថា ជាករណីឃាត់កម្ម ដោយសារតែនៅពេលដែល ជនរងគ្រោះបានស្លាប់ភ្លាម លោកអុំច្រឹងដែលជាជនពិការ បានចុះពីលើផ្ទះហើយរត់តាមផ្លូវ លុះមកដល់ចំនុចស្ពានទើបដួលរបកមុខមាត់ហើយក៏កូនចៅគាត់ដឹកយកទៅផ្ទះវិញ ត្រង់ចំនុចនេះទើបប្រជាពលរដ្ឋសណ្ឋានថា លោកអុំច្រឹង សម្លាប់មនុស្សហើយភ័យក៏បានរត់ តែដោយសារតែគាត់ជាជនពិការជើងម្ខាង មិនអាចរត់ទៅណាបានឆ្ងាយ ។
ប្រជាពលរដ្ឋបានកោតសរសើរលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ និងលោក សាយ ណូរ៉ា ព្រះរាជអាជ្ញារង ព្រមទាំងលោកគ្រូពេទ្យ និងកម្លាំងលោក ជូរ សំអាន ស្នងការនគរបាលខេត្តកំពង់ធំ បានឯកភាព សហការក្នុងការស៊ើបអង្កេតក្តីឃាតកម្មនេះ រហូតបានជោគជ័យ និងជាពិសេសមិនដែលធ្លាប់មានទេក្នុងព្រះរាជាណា ចក្រកម្ពុជា ដែលមានព្រះរាជអាជ្ញាកាត់ក្តីយុត្តិធម៌ដូចរឿង ប៉ាវចិន ដោយសារតែសាកសព្វស្លាប់រយះពេល៥ថ្ងៃ ហើយ កប់បាន៣ថ្ងៃហើយ បែជាគាស់យកសាកសពយកមកពិនិត្យ ដើម្បីរកភាពយុត្តិធម៌ទាំងសងខាង តែដល់ពិនិត្យទើបដឹងថាជាករណីឃាតកម្ម ៕
មតិយោបល់