ភ្នំពេញ៖ កីឡាករ សេន ប៊ុនថេន ដែលធ្វើដំណើរទៅប្រទេសថៃ ជួបជាមួយនឹង កីឡាករ Antione Pinto បានចាញ់កីឡាករ ថៃលេខ១ រូបនេះ ដោយពិន្ទុ ។
ក្រោយការចាញ់របស់ សេន ប៊ុនថេន កីឡាករ វ៉ន វីវ៉ា ដែលទើបតែរាប់ការហើយថ្មីៗនេះ បានសរសេរឌឺដង សេន ប៊ុនថេន លើ ហ្វេសប៊ុកថា “ចាស់ថាកុំអួតពេក ចាញ់គឺវាអញ្ជឹង ហាសហា ខ្លាំងទៀតទៅ អាប្អូន ! ស្ដាយណាស់ បើដឹងថាឯងអញ្ជឹងនោះ បងមិនទុកអោយបាន៥ទឹកទេ។ ៤ទឹកមិនទាន់ទេគឺអាប្អូនសុំបង (កុំវៃពេកគ្នា ជួយអោយបានចប់ទឹកផង នេះគឺពាក្យរបស់ សេន ប៊ុនថេន) សុំទោសបងប្អូនខ្ញុំមិនគួរនិយាយពាក្យទាំងនេះទេ
តែគាត់ធ្លាប់ថាអោយរួបខ្ញុំខ្លាំងៗពេក
(ឥឡូវខ្ញុំចង់អោយ សេន ប៊ុនថេន បានឭ ថាខ្ញុំនេះនិយាយពិតឬទេ? ចេញពីមាត់របស់គាត់)
អ្នកចង់ដឹងដាក់ ៨០០០$ មក សំរាប់តែអ្នកឈ្នះ
តែ ៨០ $ សំរាប់អ្នកចាញ់ ហានទេ (សំរាប់អ្នកពូកែរនិយាយថាអោយគេនោះ! )” ។
ការសរសេរបែបនេះ របស់ វ៉ន វ៉វ៉ា បានធ្វើឲ្យ សេន ប៊ុនថេន ក្តៅស្លឹកត្រចៀក ដូចដុំថ្មដុតក្តៅ សង្កត់លើដើមទ្រូង ដោយតបវិញ ទាំងកំហឹងលើហ្វេសប៊ុកថា “ម្ចាស់ខ្សែក្រវ៉ាត់ ISKA ដូចជាចេះដឹងគួរសមដែរឯឈ្មោះក៏ល្បី ចុះហេតុអីសំដីចេញមកដូចមនុស្សមិនដែលចូលសាលា…ខ្ញុំដូចជាមិនព្រឺក្នុងរឿងនេះដែរបើខ្លួនឯងគ្រាន់បើមែននោះ ហ៊ានដាក់ខ្សែក្រវ៉ាត់ ISKA ដែលមួយជីវិត បានតែមួយនេះទេបើហ៊ានដាក់ថ្ងៃកំណត់នៅឆ្នាំ 2015 ខ្ញុំស្វាគមន៍ម្ចាស់ខ្សែក្រវ៉ាត់ ISKA ជានិច្ចខ្ញុំអោយដាក់ពេលកំណត់នេះព្រោះថាខ្ញុំមានកម្មវិធីប្រកួតនៅក្រៅប្រទេសច្រើនដែលគេមករកខ្ញុំ ព្រោះថាខ្ញុំបាទ សេន ប៊ុនថេន មិនមែនជាកង្កែបក្នុងអណ្តូងដូចម្ចាស់ខ្សែក្រវ៉ាត់ ISKA ទេ ” ។
ជាមួយនឹងពាក្យសម្តីឌឺដង លើហ្វេសប៊ុកនេះ បានធ្វើឲ្យអ្នកសេ្នហាវិស័យកីឡាកប្រដាល់ចាប់អារម្មណ៍យ៉ាងខ្លាំង ជាពិសេសអ្នកលេងបណ្តាញសង្គមហ្វេសប៊ុក ដែលជាមិត្តភក្តិ និង អ្នកគាំទ្ររបស់កីឡាករទាំងពីរ ។
តើ វ៉ន វីវ៉ា អាចកំណត់ថ្ងៃ ឲ្យសេន ប៊ុនថេន ចាញ់ឲ្យអស់ចិត្ត ឬយ៉ាងណា ?
ទស្សនាឃ្លិបវីដេអូដូចខាងក្រោមនេះ៖
មតិយោបល់