គ្រូបង្វឹកថ្មី ក្លិប Real Sociedad លោក David Moyes បាននិយាយថា គាត់ពិតជាសប្បាយរីករាយ​យ៉ាងខ្លាំង ​ក្នុងការចាប់ចាប់ផ្តើម​​ដឹកនាំក្រុមខ្លួន កាលពីថ្ងៃសៅរ៍ ដោយជួយ​ឲ្យក្លិបខ្លួន ស្មើ​ ជាមួយនឹង Deportivo La Coruna នៅក្រៅទឹកដី​នោះ ។​

អតីត​គ្រូបង្វឹក​ក្លិបបិសាចក្រហមរូបនេះ បានឲ្យដឹងកាលពីសប្តាហ៍កន្លងទៅថា ខ្លួននឹង​​ដឹកនាំ​ក្លិបថ្មីនេះ ឲ្យល្អ​ ក្រោយ ការ​បណ្តេញចេញពីក្លិបបិសាចក្រហម ក្នុងអំឡុងពេលគ្រប់គ្រងបានតែ ១០ខែ នោះ ។​

ឆ្លើយប្រាប់អ្នកសារព័ត៌មាន លោក David Moyes បានសម្តែងនូវភាពរីករាយរបស់ខ្លួន ជាមួយនឹងក្លិប Real Sociedad ដោយអាច​​ជួយឲ្យក្លិបទប់ស្កាត់ការបំបាក់ក្រៅទឹកដី ក្នុងលទ្ធផល ០​ ទល់និង ០ នោះ ។​ លោក បានបន្តថា យើងត្រូវការពេលវេលា ដើម្បីកែតម្រូវនូវចំណុខ្វះខាត ហើយចំណុចខ្វះខាតនោះ ​និង​​​ចាប់ផ្តើមប៉ុន្មានខែខាងមុខនេះ ៕​