រថយន្តហាយឡែនឌ័រពណ៌ទឹកប្រាក់១គ្រឿងសេរី២០០២ ជារបស់មន្ត្រីនគរបាលខេត្តកំពង់ធំត្រូវបានភ្លើងឆេះអស់១កំណាត់មុខទាំងស្រុងកាលពីម៉ោង១.០០រំលងអាធ្រាតឈានចូលថ្ងៃទី៣០ ខែវិច្ឆិកា ឆ្នាំ២០១៤ សង្ស័យមានគេលួចដុត ៕
ប្រភពពត៌មានពីលោក គឹម សុខមករា ភេទប្រុសអាយុ២៩ជាមន្ត្រីនគរបាលខេត្តកំពង់ធំ ដែលមានប្រពន្ធឈ្មោះ យ៉ែម ធារី អាយុ២៩ដូចគ្នា រស់នៅភូមិក្រចាប់ សង្កាត់អាចារ្យលាក់ ក្រុងស្ទឹងសែន បាននិយាយថា!នៅយប់កើតហេតុម៉ោងប្រហែល១យប់ឈានចូលថ្ងៃទី៣០ ខែវិច្ឆិកា ឆ្នាំ២០១៤ ពួកលោកកំពុងតែដេកលង់លក់យ៉ាងស្កប់ស្កល់ ចំណែករថយន្តរបស់ម៉ាកហាយឡែនឌ័រពុំទាន់មានផ្លាកលេខនោះទេ ទិញជិត១ឆ្នាំមកហើយ លោកបានទុកនៅនឹងសំយ៉ាបផ្ទះនោះ! ស្រាប់តែមានភ្លើងឆេះឡើងឡុយត្រលោម និងមានក្លិនឆ្ងៀមក៏នាំគ្នាផ្អើលឆោឡោឡើងនាំគ្នាដងទឹកចាក់ពន្លត់ តែរថយន្តត្រូវភ្លើងឆេះខ្ទេចអស់១កំណាត់មុខបាត់ទៅហើយ!បើតាមការពិនិត្យគឺមានមនុស្សលួចដុត!នៅព្រឹកថ្ងៃទី៣០ខែវិច្ឆិកា ឆ្នាំ២០១៤លោក
អនុសេនីយ៏ឯក សូរ ជា អធិការរងក្រុងស្ទឹងសែន និង លោកអនុសេនីយ៏ឯក ឃឹម ចាន់លី នាយផ្នែកបច្ចេកទេសរបស់ស្នងការដ្ឋាននគរបាលខេត្ត រួមជាមួយកម្លាំងប៉ុស្តិសង្កាត់អាចារ្យលាក់បាននាំគ្នា ធ្វើកំណត់ហេតុអង្កេត!ជាជំហ៊ានតំបូងសង្ស័យថាជារឿងគំនំទើបបានគេយកសាំងទៅចាក់ដុត!
ពាក់ព័ន្ធទៅនិងករណីរថយន្តម៉ាកហាយឡែនឌ័រគ្មានផ្លាកលេខត្រូវភ្លើងឆេះខាងលើ!ក៏ មានមតិប្រជាពលរដ្ឋនិយាយរិះគន់ថា!ក្នុងនាមជាមន្ត្រីនគរបាលដែលជាអ្នកអនុវត្តច្បាប់១រូប គួរណាស់តែធ្វើជាគំរូដល់មហាជន មិនគួរណាជិះរថយន្តសេរីទំនើបគួរសមដែរ ក៏ប៉ុន្តែបែរជា មិនធ្វើផ្លាកលេខយ៉ាងដូច្នេះសោះ!!!!ឬមួយក៏ទុកសម្រាប់យកទៅប្រព្រឹត្តបទល្មើសហើយមើលទៅ !ងាយស្រួលគ្មានអ្នកណាស្គាល់ បានជាមិនដាក់ផ្លាកលេខនោះ។
ព័ត៌មានជាតិ
មតិយោបល់