​អ្នកនាំពាក្យ​តារាចម្រៀង និង​សម្តែង Ricky Martin បាន​ចេញ​មុខ​បកស្រាយ​ជាមួយនឹង​ព័ត៌មាន ថា​តារា​ចម្រៀង​រូប​នេះ​ស្លាប់ ។​
​យោង​តាម​សា​ព័ត៌មាន abc news បាន​ចុះផ្សាយ​ថា តារាចម្រៀង Ricky Martin ស្លាប់​នៅ​ម៉ោង ១៦ និង ៣០ នាទី កាលពី​ថ្ងៃ​ទី ៣ ខែ មករា នេះ (​ម៉ោង​ក្នុង​តំបន់​) បន្ទាប់​ពី​គ្រោះថ្នាក់​ចរាចរណ៍​មួយ​ដ៏​រន្ធត់ នៅលើ​ផ្លូវ ក្នុង​ទីក្រុង ឡូអេ​ន​ជើ​ឡេស រដ្ឋ​កាលីហ្វ​ញ៉ា សហរដ្ឋអាមេរិក ។ វីដេអូ​ឃ្លិប ដែល​បង្ហាញ​ពី​គ្រោះថ្នាក់​នោះ បាន​ល្បីល្បាញ ពេញ​បណ្តាញ​អ៊ី​ន​ធឺ​ណេត ។​
​យោងតាម​ប្រភព​ខាងលើ បាន​បន្តថា គ្រោះថ្នាក់​នេះ បាន​បណ្តាល​ឲ្យ​តារា​ចម្រៀង Ricky Martin ស្លាប់ នៅ​កន្លែង ហើយ​បី​នាក់​ផ្សេង​ទៀត ត្រូវបាន​បញ្ចូនទៅ​កាន់​មន្ទីរពេទ្យ ។ បើ​តាម​សាក្សី​ដែល​ឃើញ​ហេតុការណ៍​នេះ បានឲ្យ​ដឹង​ផងដែរ​ថា រថយន្ត​ដែល Ricky Martin ជិះ​នេះ ដំបូង​ផ្លាស់​ទី​យឺតៗ បន្ទាប់មក ក៏​បន្ថែម​ល្បឿន រហូត​ដល់​ប៉ះ​របាំង​ផ្លូវ ហើយ Ricky Martin ក៏​បាន​ខ្ជាក់​ចេញពី​រថយន្ត ។​

​ប្រភព​ដដែល​បន្តថា ប្រហែលជា Ricky Martin បាត់បង់​សតិអារម្មណ៍ កាន់​ដៃចង្កូត BMW របស់គាត់ ដែល​ទិញ កាលពី​សប្តាហ៍​កន្លងទៅ ។ គ្រោះថ្នាក់​ដល់​ក្រវែង Ricky Martin ចេញ​ក្រៅ​នេះ បាន​ធ្វើឲ្យ​តារា​ចម្រៀង​រូប​នេះ បោក​ក្បាល​នឹង​ថ្នល់ ហើយ​ស្លាប់​នឹង​កន្លែង នៅ​អាយុ ៤៣ ឆ្នាំ ។​
​ជាមួយនឹង​ព័ត៌មាន​នេះ ដែរ អ្នកនាំពាក្យ​តារាចម្រៀង Ricky Martin បាន​ចេញ​មុខ​ច្រានចោល​ព័ត៌មាន​នេះ ដោយ​បាន​និយាយថា ” Ricky Martin នៅពេលនេះ​គឺ​មាន​សុខភាព​ល្អ​បរិបូរណ៍ ហើយព័ត៌​នេះ​ជា​ព័ត៌មាន​ចចាមអារាម​តែប៉ុណ្ណោះ “៕​
ទស្សនាវីដេអូឃ្លិបដូចខាង​ក្រោមនេះ​៖