កំពង់ឆ្នាំង៖ ប្រជាពលរដ្ឋក្នុងខេត្តកំពង់ឆ្នាំងមានការព្រួយបារម្មណ៏ថា ត្រីឆ្នាំនេះពិជាមិនសូវសំបូរឡើយ ព្រោះបើគិតត្រឹមថ្ងៃ១០កើតខែមិគ្គសិរ ត្រូវនឹងថ្ងៃទី ០១ ខែធ្នូ ឆ្នាំ២០១៤ នេះមិនទាន់មានឃើញត្រីត្រូវដូចឆ្នាំមុនៗឡើយ ដែលបញ្ហានេះមន្ត្រីជំនាញជលផលថា មកពីអាកាសធាតុមិនអំណោយផល ។
ប្រជាពលរដ្ឋជាច្រើននាក់បានលើកឡើងថាៈ ថ្ងៃ១០កើតទៅហើយក្នុងឆ្នាំនេះមិនទាន់មានត្រីមត្រូវនៅឡើយទេ ខុសពីរៀងរាល់ឆ្នាំ ដែលរឿងនេះពួកគាត់ព្រួយបារម្មណ៍ថាៈ ត្រីឆ្នាំនេះពិតជាខ្សត់ជាមិនខានឡើយ។ព្រោះរៀងរាល់ឆ្នាំ ក្នើតខែកត្តឹក គឺត្រីចាប់ផ្តើមត្រូវត្រីធំ មានត្រីគ្រុំ ត្រីឆ្កោក ត្រីក្អែកជាដើម បន្ទាប់មកក្នើតខែមឹគ្គសិរនេះ គឺត្រីចាប់ផ្តើមត្រូវប្រភេទត្រី ចង្កែង ត្រីឆ្ពិន ជាដើម និងក្នើតខែក្រោយនេះ ហើយ(ក្នើតខែបុស្ស) គឺទើបចាប់ផ្តើមត្រូវត្រីប្រហុក។ ប៉ុន្តែរហូតមកដល់ថ្ងៃនេះគឺ១០កើតខែមឹគ្គសិរទៅហើយមិនទាន់មានត្រីសំបូរនៅឡើយ គឺត្រីនៅតែមានតម្លៃខ្ពស់ គួរព្រួយបារម្មណ៍ ។
ទាក់ទងនិងរឿងនេះ លោក សេង ប៊ុនឈឿន នាយខណ្ឌ័រដ្ឋបាលកំពង់ឆ្នាំង បានអោយដឹងថាៈ
លោកទទួលស្គាល់ថាៈត្រីពិតជាមិនទាន់ត្រូវមែន ព្រោះតែអាកាសធាតុ មេឃស្រទុំ និងមានភ្លៀងប៉ុន្មាន
ថ្ងៃនេះជាប់ៗ គ្នា កាលពីថ្ងៃទី៤និង៥កើតត្រីចាប់ផ្តើមត្រូវមួយឈុល ស្រាប់តែមេឃភ្លៀងតែម្តង ធ្វើអោយ ត្រីឈប់ចុះ ដូចយប់មិញនិងថ្ងៃនេះ (១ធ្នូ) មេឃនៅតែស្រទុំនិង មានភ្លៀងនៅឡើយ ហើយថ្ងៃនេះ១០ កើតទៀត សល់តែ៥ថ្ងៃទៀតផុតក្នើតត្រីលែងចុះហើយ រហូតក្នើតខែក្រោយទើបត្រីសម្រុកចុះទៀត ។
លោកនាយខណ្ឌ័រដ្ឋបាលជលផលអោយដឹងទៀតថាៈ ថ្ងៃនេះ (១០កើត)ឆ្នាំមុន ត្រីឆ្កោកបានធ្លាក់មកត្រឹម ៦ទៅ៧ពាន់រៀល ក្នុងមួយគីឡូក្រាម តែថ្ងៃនេះ ឆ្នាំនេះត្រីឆ្កោកនៅតម្លៃ១៧ ០០០ រៀលក្នុងមួយគីឡូក្រាម គឺនៅថ្លៃនៅឡើយ ។ ចំពោះខែត្រីត្រូវវិញ លោកបានបញ្ជាក់ថាៈក្នើតខែមឹគ្គសិរនេះទើបត្រូវ
ត្រីប្រភេទធំ មិនមែនក្នើតខែមុនទេ ហើយក្នើតខែក្រោយទើបត្រូវត្រីប្រហុក ។
នៅក្នុងកំពង់ផែមាត់ទន្លេផ្សារក្រោមគេសង្កេតឃើញមានរថយន្តមកចាំដឹកត្រីជាច្រើនគ្រឿង ដែលមានឈ្មួញជាអ្នកមកចាំទិញត្រី តែត្រីមិនសំបូរនៅឡើយ ហើយរយៈ ៥ថ្ងៃទៀតនេះ បើមេឃនៅតែមានអាកាសធាតុបែបនេះទៀត គឺត្រីពិតជាមិនសំបូឡើយ គឺត្រូវរង់ចាំក្នើតខែក្រោយទៀត។ដោយឡែកមន្ត្រីជលផលនិងអាជ្ញាធរក៏មិនទាន់បានប្រកាសជាសាធារណៈ អំពីព័ត៌មានត្រីចុះអោយបងប្អូនប្រជាពលរដ្ឋដឹង និងត្រៀមមកធ្វើត្រីប្រហុកផ្អកនៅឡើយដែរ ព្រោះតែមិនដឹងថាត្រីមានឬអត់ ៕
មតិយោបល់