រុស្ស៊ី និងអ៊ីរ៉ង់ជាប្រទេសផលិតប្រេង ឆៅនាំចេញប្រេងច្រើនជាងគេក្នុងតំបន់ ហើយក៏ជាប្រទេសដែលរងការដាក់ទណ្ឌ កម្មដឹកជញ្ជូនពីអាមេរិក និងលោកខាង លិចដូចគ្នា ។ ក្នុងពេលដែលតម្លៃប្រេង ធ្លាក់ចុះ ប្រទេសទាំងពីរបានសម្រេច ចាប់ដៃគ្នាទប់ស្កាត់ស្ថេរភាពតម្លៃប្រេង របស់ខ្លួន ។
រុស្ស៊ីផលិតប្រេងបានដល់១០,៥លាន ធុងក្នុងមួយថ្ងៃ ស្មើ១១ភាគរយនៃតម្រូវ ការប្រើប្រាស់នៅទូទាំងពិភពលោក ។ តាមតួលេខរបស់រុស្ស៊ី ដោយសារតម្លៃ ប្រេងធ្លាក់ចុះ៣០ភាគរយ រុស្ស៊ីត្រូវខាត បង់ពី៩០ដល់១៤០ពាន់លានដុល្លារក្នុង មួយឆ្នាំ ។
ចំណែកភាគីអ៊ីរ៉ង់វិញតម្លៃប្រេងធ្លាក់ ចុះធ្វើឱ្យប្រាក់ចំណូលរបស់អ៊ីរ៉ង់ក៏ធ្លាក់ ចុះពី៨-១០ភាគរយផងដែរ ។
កាលពីចុងសបា្ដហ៍កន្លងមក រដ្ឋមន្ដ្រី ក្រសួងសេដ្ឋកិច្ចរុស្ស៊ីបានបំពេញទស្សន កិច្ចទៅកាន់ទីក្រុងតេអេរ៉ង់ ដោយជួប ពិភាក្សាជាមួយសមភាគីអ៊ីរ៉ង់ ហើយក៏ បានព្រមព្រៀងដោះដូរទំនិញយកប្រេង មានតម្លៃដល់ទៅ១,៥ពាន់លានដុល្លារ ។
សារព័ត៌មានរុស្ស៊ី រៀនូវូស្ទី បានផ្សព្វ ផ្សាយថា ជាមួយនឹងកិច្ចព្រមព្រៀងនោះ អ៊ីរ៉ង់នឹងនាំប្រេងឆៅប្រមាណ៥សែនធុង ក្នុងមួយថ្ងៃទៅកាន់ប្រទេសរុស្ស៊ី ចំណែក រុស្ស៊ី នឹងផ្គត់ផ្គង់ផលិតផលកសិកម្ម ឧស្សាហកម្មដែលអ៊ីរ៉ង់ត្រូវការជាចាំ បាច់ទៅឱ្យវិញ ។ កិច្ចព្រមព្រៀងនោះនឹង ជួយអ៊ីរ៉ង់ពង្រឹងតម្លៃនាំចេញប្រេងបាន ៥០ភាគរយ ។
បច្ចុប្បន្នប្រទេសទាំងពីរកំពុងពិភាក្សា ឱ្យបានលម្អិតពីមុខទំនិញពាក់ព័ន្ធក្នុងការ ដោះដូរ និងមធ្យោបាយដឹកជញ្ជូន ។ ប្រទេសទាំងពីរអាចប្រើប្រាស់រថយន្ដ ដឹកទំនិញ រថភ្លើង ឬយន្ដហោះសម្រាប់ អនុវត្ដការដោះដូរទាំងនោះ ។
រដ្ឋមន្ដ្រីក្រសួងសេដ្ឋកិច្ចរុស្ស៊ីក៏បាន បញ្ជាក់ទៀតថា ប្រទេសទាំងពីរកំពុងតែ ស្រាវជ្រាវដែលអាចឈានដល់ការប្រើ ប្រាស់រូបិយវត្ថុប្រទេសទាំងពីរក្នុងការ ដោះដូរពាណិជ្ជកម្ម ។
ចំណែកអាមេរិកវិញនៅតែបន្ដរក្សា ការដាក់ទណ្ឌកម្មសេដ្ឋកិច្ចដល់រុស្ស៊ី ដដែល ។ រដ្ឋមន្ដ្រីការបរទេសអាមេរិក លោកចន ឃើរី បានប្រកាសកាលពីថ្ងៃ ទី២ ខែធ្នូ ថា ការដាក់ទណ្ឌកម្មសេដ្ឋកិច្ច របស់លោកខាងលិចទៅលើប្រទេសរុស្ស៊ី នឹងមិនមានការផ្លាស់ប្ដូរនោះឡើយ ហើយវាអាចជួយដល់តំបន់ភាគខាង កើតអ៊ុយក្រែនស្វែងរកបានសុខសន្ដិភាព នៅពេលឆាប់ៗ ហើយបើរុស្ស៊ីនៅតែ បន្ដលូកដៃនោះ សេដ្ឋកិច្ចរុស្ស៊ីប្រាកដជា ធ្លាក់ចុះក្នុងស្ថានភាពអាក្រក់បំផុតនៅ ឆ្នាំ២០១៥ ។
ចំណែកអ្នកនាំពាក្យក្រសួងការបរទេស រុស្ស៊ីវិញ កាលពីថ្ងៃទី២ ខែធ្នូបានបញ្ជាក់ ថា ការដាក់ទណ្ឌកម្មពីលោកខាងលិច មកលើប្រទេសរុស្ស៊ីបានគំរាមកំហែង ដល់សេដ្ឋកិច្ចពិភពលោកទាំងមូល មិន មែនតែប្រទេសរុស្ស៊ីនោះឡើយ ។ ការ ដាក់ទណ្ឌកម្មរបស់លោកខាងលិចពិតជា ធ្វើឱ្យរុស្ស៊ីខាតបង់ជាច្រើនក្នុងមួយឆ្នាំៗ ដោយសារតែមុខទំនិញសំខាន់ៗរបស់ រុស្ស៊ីត្រូវធ្លាក់ចុះ ។ តាមការព្យាករណ៍ រូបិយវត្ថុរុស្ស៊ីនឹងត្រូវធ្លាក់ថ្លៃពី៦,៨ភាគ រយ រហូតដល់១៣,៥ភាគរយនៅឆ្នាំ ២០១៥ ៕
ព័ត៌មានជាតិ
មតិយោបល់