ខេត្តកោះកុង៖ យោងតាមសេចក្តីរាយការណ៍ពី ខេត្តកោះកុងបានឲ្យដឹងថាអគ្គនាយករងម្នាក់របស់ក្រុមហ៊ុនលីយុងផាត់ បាននិងកំពុងលួចនាំចូលប្រេងគេចពន្ធយ៉ាងសកម្មក្នុងបរិមាណរាប់សែនតោន ក្នុងមួយខែៗហើយបានចែកចាយលក់យ៉ាងអណាធិបតេយ្យក្នុងលំហសមុទ្រ គ្រាដែលពុំមានសមត្ថកិច្ចណាហ៊ានអើតមុខមើលសកម្មភាពទុច្ចរិត ល្មើសច្បាប់នោះឡើយ ។
ប្រភពព័ត៌មានច្បាស់ការបានរាយការណ៍ថាអគ្គនាយករដ្ឋក្រុមហ៊ុន លី យុងផាត់ ដែលកំពុងប្រព្រឹត្តិបទល្មើសនោះឈ្មោះ លឹម សុខឃាង ដែលជាដៃស្តាំរបស់លោកឧកញ៉ា លី យុងផាត់ គ្រាដែលអគ្គនាយករងម្នាក់នេះបានប្រើប្រាស់កប៉ាល់ធំៗ ដឹកប្រេងគេចពន្ធនាំចូលពីក្រៅប្រទេស ហើយបាននិងកំពុងចែកចាយលក់យ៉ាងអាណាធិបតេយ្យឲ្យក្រុមសាឡង់បូមខ្សាច់ រួមទាំងក្រុមហ៊ុនអគ្គីសនីចិន និងទូកនេសាទក្នុងលំហសមុទ្រដោយមិនខ្លាចរអែងអ្វីទាំងអស់ ព្រោះតែអាងអំណាចលោកឧកញ៉ា លី យុងផាត់ និងទឹកលុយដ៏មហាសាលរបស់ក្រុមហ៊ុនមួយនេះ ។
សកម្មភាពលួចនាំចូលប្រេងគេចពន្ធដែលមានបរិមាណរាប់សិបតោនក្នុងមួយខែៗ របស់លោកអគ្គនាយករងក្រុមហ៊ុន លី យុងផាត់ នោះមិនមានការលាក់លៀមឬមិនឲ្យសមត្ថកិច្ចជំនាញដឹងនោះទេ ។ ប៉ុន្តែពួកគេធ្វើដោយចំហរ និងយ៉ាងអាណាធិបតេយ្យបំផុត ហើយអ្នកណាក៏បានដឹងរឿងទុច្ចរិតនេះផងដែរ កុំសូម្បីតែសមត្ថកិច្ច ។
អ្នករាយការណ៍បានបញ្ជាក់ថា ដើម្បីឲ្យការចែកចាយលក់ប្រេងគេចពន្ធបានដោយរលូននោះ លោកអគ្គនាយករងរូបនោះបានប្រើប្រាស់មន្ត្រីប៉ូលីសឋានៈនាយផ្នែកនៅ អធិការដ្ឋានស្រុកមណ្ឌលសីមាម្នាក់ទៀតឈ្មោះ សៀង បូរី ឲ្យរត់ការទាក់ទងជាមួយអាជ្ញាធរមន្ត្រីជំនាញគ្រប់ស្ថាប័នរួមទាំង អតិថិជននិងអ្នកសារព័ត៌មានផងដែរ ដើម្បីឲ្យបិទភ្នែកមើលមិនឃើញសកម្មភាពទុច្ចរិតរបស់ក្រុមគេ។ ដូច្នេះគេដឹងថាអាជ្ញាធររួមទាំងមន្ត្រីជំនាញបានងងឹតភ្នែកនឹងទឹក លុយអស់ទៅហើយ ហើយមិនអាចចាត់ការបង្ក្រាបបទល្មើសទ្រង់ទ្រាយធំនោះឡើយ ។
អ្នករាយការណ៍បញ្ជាក់ថាទាំងសាឡង់បូមខ្សាច់ទាំងក្រុមហ៊ុនអគ្គីសនី ចិនដែលបោះទីតាំងនៅទីនោះរួមទាំងទូកនេសាទធំៗ សុទ្ធតែបានទិញប្រេងគេចពន្ធរបស់ក្រុមហ៊ុន លី យុងផាត់ នោះ ។ ដែលគេប្រើប្រាស់រូបភាពក្នុងលំហរសមុទ្រដោយប្រើកប៉ាល់ធំៗ ស្តុកប្រេងគេចពន្ធនិងចែកចាយតែម្តង ។
ប្រជាពលរដ្ឋបានលើកឡើងថាទំហំនៃការលួចនាំចូលប្រេងគេចពន្ធ របស់លោកអគ្គនាយករង ក្រុមហ៊ុនលីយុងផាត់ នោះគឺធំធេងណាស់ ហើយបានបំផ្លាញថវិកាជាតិរាប់រយលានដុល្លារក្នុងមួយខែៗ ។ ប្រជាពលរដ្ឋចោទអាជ្ញាធរនិងសមត្ថកិច្ចជំនាញថាបានទទួលសំណូកយ៉ាង ក្រាស់ក្រែលពីជំនួញទុច្ចរិតនោះទើបស្ងាត់ជ្រាបមិនហ៊ានបង្ក្រាប ដូច្នេះ ។
ប្រជាពលរដ្ឋអំពាវនាវទៅសម្តេចនាយករដ្ឋមន្ត្រី ហ៊ុន សែន មេត្តាទទួលយកព័ត៌មាននៃអំពើទុច្ចរិតលួចនាំចូលប្រេងគេចពន្ធរបស់ ក្រុមហ៊ុន លី យុងផាត់ នេះ ហើយចាត់វិធានការក្តៅបង្ក្រាបជាបន្ទាន់ព្រោះបើនៅតែបណ្តែតបណ្តោយឲ្យ អគ្គនាយករងរូបនោះបំផ្លាញថវិកាជាតិដូច្នេះទៀតនោះ វានឹងជៈឥទ្ធិពលខ្លាំងណាស់ដល់ការដឹកនាំរបស់ប្រមុខរាជរដ្ឋាភិបាល ក្រោមការចោទប្រកាន់ថាអ្នកតូចប្រព្រឹត្តិខុស ទទួលទោសតាមច្បាប់គ្រាដែលអ្នកមានអំណាចមានលុយនោះ ទោះជាប្រព្រឹត្តិបទល្មើសរហូតក្បត់ជាតិក៏រួចខ្លួនដែរ ៕
មតិយោបល់