ភ្នំពេញ៖ មុនឈានជើងចូលសិល្បៈ មាស សុខសោភា បានឡើងឆាកប្រឡងត្រឹមត្រូវដើម្បីបញ្ចេញសមត្ថភាពរបស់នាង តែនៅទីបំផុត ត្រូវបានគណៈកម្មការដាក់ពិន្ទុ បដិសេធ មិនយករូបនាង ដោយសារតែនាងនៅពេលនោះ មានមុខមិនស្អាត តែសំលេងបាន ។
ប្រភពព័ត៌មានច្បាស់ការមួយ ក្នុងចង្កោមសិល្បៈដូចគ្នា បានឲ្យដឹងថា មាស សុខសោភា ពេលបោះជើងឈានចូលវិស័យ សិល្បៈនាងបានប្រឡងត្រឹមត្រូវ តែអកុសល ត្រូវបានគណៈកម្មការដាក់ពិន្ទុ មិនយករូបនាង បើទោះបីជា នាងមានសំលេងពិរោះយ៉ាងណាក៏ដោយ ដែលធ្វើឲ្យ សោភា អាក់អន់ស្រពន់ចិត្តយ៉ាងខ្លាំង ព្រោះតែពួកគេ យកសម្រស់ជាធំ ខណៈប្រកាសដំបូងថាមិនគិតសម្រស់ឡើយ តែចុងក្រោយ មិនគោរពលក្ខណ្ឌ ដែលផ្តល់ឲ្យ ។ ប្រភពដដែលបានបន្តថា ដោយសារតែមាស សុខរតនៈ ជាបងប្រុស អាណិតប្អូនពេកក៏ នាំយកនាង ទៅច្រៀងក្នុងផលិតក្នុងស្រុកមួយ ដោយសារតែសំលេងនាងបាន ខាងផលិតកម្មក៏យល់ព្រម រហូតមានឈ្មោះល្បីល្បាញដល់សព្វថ្ងៃ ។ ក្នុងវិស័យសិល្បៈ គេយកសំលេងជាធំ ព្រោះថា សំលេងល្អពិបាករកណាស់ រឿងសម្រស់ កែខៃតាមក្រោយទៅ វាជាការស្រេច ហើយ ហេតុអ្វីគណៈកម្មការដាក់ពិន្ទុខាងលើ ល្មើសនឹងលក្ខណ្ឌចឹង ដូចឃើញស្រាប់ហើយ ពេលនេះ សោភា ស្អាតណាស់មានប្រុសជាច្រើន តាមសុំស្នេហ៍ តែមិនបានសម្រេច ព្រោះពេលនេះនាងមានប្តីរួចរាល់ហើយ ។ ប្រភពខាងលើបន្ថែម ។
សូមបញ្ជាក់ថា មាស សុខសោភា នៅពេលនេះ គឺជាតារាចម្រៀងស្រីជួរមុខ ហើយកាលពីថ្ងៃទី ១០ ខែ ធ្នូនេះ បានចេញ MV បទចម្រៀងមួយបទក្រោមចំណងជើងថា Pushing You Away ទទួលបានការគាំទ្រយ៉ាងច្រើនសន្ធឹកផងដែរ៕
ទស្សនាបទចម្រៀង Pushing You Away ដូចខាងក្រោមនេះ៖
មតិយោបល់