កីឡាករ Thierry Henry បានបង្ហើបឲ្យដឹងថា គាត់មានគម្រោងជាយូរណាស់មកហើយដើម្បីក្លាយខ្លួន ជាអ្នកដឹកនាំនៅក្លិប កាំភ្លើងធំ Arsenal បន្ទាប់ពីគាត់ចូលនិវត្តន៍ពី កីឡាបាល់ទាត់ ។នេះបើយោងតាមការចុះផ្សាយរបស់ ទំព័រមេត្រូ នៅថ្ងៃទី ១៧ ខែ ធ្នូនេះ ។
កីឡាករសញ្ជាតិបារាំងរូបនេះ បានព្យួរទ្រនាប់ជើងរបស់ខ្លួន នៅថ្ងៃទី ១៦ ខែធ្នូនេះ ហើយបានប្រាប់ដល់ Skysport ថា គាត់នឹងត្រឡប់ទៅកាន់កាំភ្លើងធំវិញ ។
ក្នុងការវិលត្រឡប់ទៅកាន់កាំភ្លើងធំលើកនេះ កីឡាករ
Thierry Henry មិនមែនជាកីឡាករទៀតឡើយ គឺក្នុងនាមជាអ្នកចាត់កាទូទៅ ក្នុងវិធីមួយដ៏ត្រឹមត្រូវ ។ នេះបើតាមគម្រោងជាយូរណាស់មកហើយរបស់ កីឡាករ Thierry Henry ចង់បាន ។
នៅពេលដែលអ្នកសារព័ត៌មានសួរពី ការចង់ក្លាយខ្លួនជាអ្នកចាត់ការទូទៅនៅក្លិបកាំភ្លើងធំនោះ លោកបាននិយាយថា សុបិន្តនឹងក្លាយជាការពិត ហើយជឿជាក់ថា កាំភ្លើងធំនឹងផ្តល់ឱកាសមួយដល់ខ្ញុំ ដើម្បីក្លាយជាអ្នកគ្រប់គ្រងនៅក្លិបមួយនេះ ៕
ព័ត៌មានជាតិ
មតិយោបល់