ភ្នំពេញ៖រឿងដ៏គួរឲ្យភ្ញាក់កាលពីវេលាម៉ោង ៧ យប់ថ្ងៃទី ២៤ ធ្នូម្សិលមិញ នៅផ្ទះលេខ ៦៧ -៦៨ ផ្លូវលេខ ២០៦ សង្កាត់ផ្សាដើមករ ខណ្ឌទួលគោក មានករណី តារាម៉ូដែល និងសម្តែង ម្នាក់បានលេបថ្នាំសម្លាប់ខ្លួន ចំនួន ២០ គ្រាប់ និងចងកសម្លាប់ខ្លួន បានសម្រេច ។
ប្រភពព័ត៌មានពីកន្លែងកើត ហេតុ និងមិត្តភក្តិស្ត្រីរងគ្រោះឈ្មោះ ទូច បានឲ្យដឹងថា “ស្ត្រីដែលលេបថ្នាំ និងចងកសម្លាប់ខ្លួននេះ ឈ្មោះ អុល សម្ជស្ស ជាតារាម៉ូដែល និងសម្តែង បានឈ្លោះប្រកែកជាមួយនឹងសង្សារ តែមិនដឹងជារឿងអ្វី រហូតដាច់ចិត្តលេបថ្នាំ និង ចងកសម្លាប់ខ្លួនជាមួយនឹងចំរឹងដែកបង្អួច។ ប្រភពដដែលបានបន្តថា អុល សម្ជស្ស ហៅស្រស់ អាយុ ២២ ឆ្នាំ កាលពីថ្ងៃទី ២៣ បានឈ្លោះប្រកែកតឹងសរសៃក ជាមួយនឹងសង្សារ ឈានដល់លេបថ្នាំសម្លាប់ខ្លួនអស់ចំនួន ២០ គ្រាប់ ហើយត្រូវបានខ្លួន ត្រូវជាមិត្តភក្តិជនរងគ្រោះដឹកទៅសង្គ្រោះនៅមន្ទីរពេទ្យ ហើយដល់ថ្ងៃទី ២៤ ក៏បានដាច់ចិត្តចងកសម្លាប់ខ្លួនបានសម្រេចតែម្តង” ។
ក្រោយធ្វើកុសលវិច្ច័យពីសមត្ថកិច្ចបញ្ជាក់ថាប្រាកដជាចង់ករ និងលេបថ្នាំមែននោះ សាកសព្វ តារាសម្តែង និងម៉ូដែល អុល សម្ជស្ស ត្រូវបានក្រុមគ្រួសារយកទៅធ្វើបុណ្យតាមប្រពៃណី ៕
ព័ត៌មានជាតិ ព័ត៌មានសិល្បៈ និងកម្សាន្ត
មតិយោបល់