អ្នកចាត់ការទូទៅក្លិបតោខៀវ Chelsea លោក Jose Mourinho បានធ្វើការច្រានចោលនូវព័ត៌មាន ថាតោខៀវបានទំនាក់ទំនងនាំយកកីឡាករលំដាប់ពិភពលោក Lionel Messi មកកាន់អង់គ្លេស ។
ប្រភពព័ត៌មាន មេត្រូ បានចុះផ្សាយនៅថ្ងៃទី ២៤ ខែធ្នូម្សិលមិញនេះ បានឲ្យដឹងថា តោខៀវបានកំពុងផ្សាភ្ជាប់ ជាមួយនឹងកីឡាករដែលមានតម្លៃខ្លួន ២០០ លានផោន ប្រហែល ៣១១ លានដុល្លារអាមេរិក ហើយ Barcelona អាចនឹងលក់កីឡាករវ័យ ២៧ ឆ្នាំរូបនេះ។
ទោះបីជាយ៉ាងនេះក្តី លោក Jose Mourinho បានទទូចថា តោខៀវគ្មានលទ្ធភាពទេ ដើម្បីនាំយកកីឡាករលំដាប់ពិភពលោក មកកាន់ Stamford Bridge ហើយក៏គ្មានឱកាសនោះដែរ ។ នេះបើតាមសម្តី ប្រាប់ដល់សារព័ត៌មាន BT Sport ។
លោកបានបន្តថា ដោយសារតែហិរញ្ញវត្ថុ យើងចាយមានកំណត់ ចាយតាមតួរលេខ ដែលមាន ហើយកីឡាករ Messi នឹងលេងរហូតចូលនិវត្តន៍ នៅ Barcelona ៕
ព័ត៌មានជាតិ
មតិយោបល់