នៅថ្ងៃទី០២ខែមករា ឆ្នាំ ២០១៤ ម្សិលមិញនេះ សារព័ត៌មានកូរ៉េខាងត្បូងយ៉ុនហាប់ បានចុះផ្សាយថា ប្អូនស្រីរបស់មេដឹកនាំកូរ៉េខាងជើង គឹម ជុនអ៊ុន បានរៀបការជាមួយនឹងកូនប្រុសមនុស្សជំនិតរបស់លោក គឹម ជុនអ៊ុន។
ដោយឡែកនៅថ្ងៃនេះ សារព័ត៌មានយ៉ុនហាប់ បានបង្ហាញរូបភាពរបស់នាង Kim Yo-jong ដែលត្រូវជាប្អូនស្រីរបស់ គឹម ជុនអ៊ុន ដោយបច្ចុប្បន្នមានមុខតំណែងជាអនុប្រធានបក្សកម្មកររបស់កូរ៉េខាងជើង បានពាក់ចិញ្ចៀនពណ៌មាសនៅម្រាមដៃនាងខាងឆ្វេង ដោយបញ្ជាក់ថា នាងពិតជាបានរៀបការហើយមែន។
នាង Kim Yo-jong ត្រូវបានគេដឹងថា បានរៀបការជាមួយនឹងលោក Choe Song ដែលជាកូនប្រុសរបស់លោក Choe Ryong-hae ដោយត្រូវបានគេដឹងថាជាមនុស្សមានឥទ្ធិពលម្នាក់សម្រាប់ការទំនាក់ទំនងនៅក្រោយលោក គឹម ជុនអ៊ុន ប៉ុន្តែសម្រាប់មុខតំណែករបស់លោក Choe Song ដែលត្រូវជាប្ដីរបស់នាង Kim Yo-jong មិនត្រូវបានគេដឹងឡើយ៕
ព័ត៌មានជាតិ
មតិយោបល់