តារាចម្រៀងប៉ុបរបស់ចិន នាង Yao Beina កំពុងស្ថិតនៅក្នុងស្ថានភាពធ្ងន់ធ្ងរ ដោយសារតែជំងឺមហារីកសុដន់នាង បានធ្វើទុក្ខ នេះបើយោងតាមសំដីរបស់អ្នកដឹកនាំក្រុមរបស់នាង។
នាង Yao វ័យ ៣៣ឆ្នាំ ត្រូវបានក្រុមគ្រួសារបញ្ជូនទៅសង្គ្រោះបន្ទាន់នៅឯមន្ទីរពេទ្យ ក្នុងទីក្រុង Shenzhen កាលពីថ្ងៃព្រហស្បតិ៍ម្សិលមិញនេះ។ កាលពីថ្ងៃពុធកន្លងទៅនេះ មានព័ត៌មានចចាមអារ៉ាមចុះផ្សាយថា នាងបានស្លាប់ ប៉ុន្តែត្រូវបានក្រុមគ្រួសារច្រានចោល ហើយគិតត្រឹមល្ងាចថ្ងៃសុក្រនេះ នាងសន្លប់មិនទាន់ដឹងខ្លួននោះទេ។
នាង Yao Beina ជាតារាចម្រៀងដ៏ល្បីមួយរូប នៅក្នុងប្រទេសចិន ដែលទទួលបានពានរង្វាន់ជាច្រើន ហើយបទចម្រៀងរបស់នាងភាគច្រើនត្រូវបានគេបញ្ជូលទៅក្នុងរឿងភាគ ហើយនាងក៏បានច្រៀងបទថ្មី តាមលំនាំបទ “Let It Go” របស់ក្រុមហ៊ុន Disney ក្នុងរឿង Frozen ដោយទទួលបានការផ្ដល់សិទ្ធិពីក្រុមហ៊ុន។
គួរបញ្ជាក់ផងដែរថា ជំងឺមហារីកសុដន់របស់នាង បានធ្វើទុក្ខឡើងកាលពីខែមេសា ឆ្នាំ ២០១១ ដោយនាងត្រូវសម្រាប់ព្យាបាលអស់ជាច្រើនខែ៕
Copyright © 2015 All Rights Reserved.
មតិយោបល់