តៃប៉ិ៖ បុរសជនជាតិចិន វ័យ ៣២ឆ្នាំម្នាក់ បានស្លាប់ ដោយសារតែលេងហ្គេមអស់រយៈពេល ៣ថ្ងៃជាប់គ្នា នៅក្នុងហាងអ៊ីធើណែតកាហ្វេ ដោយមិនបានសម្រាក នេះបើយោងតាមសេចក្ដីរាយការណ៍ពីអាជ្ញាធរនៅថ្ងៃសៅរ៍ទី១៧ខែមករា ឆ្នាំ ២០១៥។
គ្រួសារអ្នកស្លាប់បានប្រាប់ថា បុរសដែលស្លាប់នោះមានឈ្មោះ Hsieh ត្រូវបានប្រទះឃើញស្លាប់នៅលើកៅអី ក្នុងហាងអ៊ីធើណែតកាហ្វេក្នុងទីក្រុង Kaohsiung។ បុគ្គលិកបម្រើការងារនៅក្នុងហាងអ៊ីនធើណែតបាននិយាយថា ឃើញ Hsieh អង្គុយលើកៅអី ហើយគេស្មានតែដេក ប៉ុន្តែពេលដើរទៅជិត ស្រាប់តែមានអារម្មណ៍ថា គាត់ដូចជាអត់ដកដង្ហើម ទើបបញ្ជួនទៅកាន់មន្ទីរទេព្យ ហើយវេជ្ជបណ្ឌិតក៏បាននិយាយថា បុរសនោះបានស្លាប់ហើយ គឺស្លាប់ដោយសារគាំងបេះដួង ដោយមូលហេតុប្រហែលជាអស់កម្លាំង អត់បានដេក ព្រោះតែលេងហ្គេមមិនសម្រាក។
គួរបញ្ជាក់ផងដែរថា នេះជាលើកទី២ហើយ ដែលមានអ្នកស្លាប់នៅហាងអ៊ីនធើណែតកាហ្វេ ក្នុងទីក្រុង Kaohsiung ហើយករណីទាំងពីរនេះត្រូវបានអាជ្ញាធរកំពុងតែស៊ើបអង្កេត៕
មតិយោបល់