ភ្នំពេញ៖ ក្រុមហ៊ុនចែកចាយប្រេងឥន្ធនៈ SOKIMEX និង TELA បានយល់ព្រមបញ្ចុះតម្លៃមកនៅត្រឹម ៣៩០០រៀល​ក្នុងមួយលីត្រ និងក្រុមហ៊ុន PTT បានបញ្ចុះមកនៅត្រឹម ៤០៥០រៀល ក្នុងមួយលីត្រ ខណៈតម្លៃប្រេង SAVIMEX និង LHR តម្លៃទាបជាងគេគឺ SAVIMEX ៣៥០០រៀលក្នុងមួយលីត្រ, LHR ៣៣០០ក្នុង មួយលីត្រ។

នៅថ្ងៃទី២០ ខែមករា ឆ្នាំ២០១៥ម្សិលមិញនេះ រដ្ឋមន្រ្តីក្រសួងពាណិជ្ជកម្ម លោក ស៊ុន​ ចាន់ថុល បានអញ្ជើញតំណាង​ក្រុមហ៊ុន​ចែកចាយ​ប្រេងឥន្ធនៈធំៗ​នៅកម្ពុជា ជួបប្រជុំគ្នាជាលើកទី៣ ដើម្បីពិនិត្យ និងពិភាក្សាបន្ថែមអំពីតម្លៃប្រេងឥន្ធនៈនាពេលបច្ចុប្បន្ន និង បញ្ហាប្រឈមនានា។

ឆ្លើយតបទៅនឹងសំណើរបស់លោក ស៊ុន​ ចាន់ថុល នោះ តំណាងក្រុមហ៊ុន SOKIMEX និង TELA បានសម្រេចបញ្ចុះថ្លៃ ប្រេង​សាំងធម្មតាពី ៤០០០រៀល មកនៅ ៣៩០០រៀល ក្នុងមួយលីត្រ, ក្រុមហ៊ុន PTT បញ្ចុះមកនៅ ៤០៥០រៀល ក្នុងមួយលីត្រ គិតចាប់ពីថ្ងៃទី២១ ខែមករា ឆ្នាំ២០១៥៕