បើនិយាយដល់កំពូលមហាសេដ្ឋីលំដាប់ពិភពលោកនោះ យើងប្រាកដជានឹងឃើញដល់លោក Bill Gates សហស្ថានិក​ក្រុមហ៊ុន Microsoft ដែលមានលុយជាង ៨០ពាន់លានដុល្លារអាមេរិក ប៉ុន្តលុយទាំងនោះ​លោកពុំបានយក​ទៅ​ចាយ​វាយ​ក្នុង​កិច្ចការ​ផ្ទាល់ខ្លួនឡើយ ពោលគឺចាយវាយក្នុងវិស័យមនុស្សធម៌ទាំងអស់។ ឥឡូវនេះយើងក្រឡេកមកមើល កំពូលមហាសេដ្ឋីទាំង ១០រូប​ របស់ចិនវិញម្ដង តើ​នរណា​មានលុយច្រើនជាងគេ?

០១) លោក Jack Ma – ១៩,៥ពាន់លានដុល្លារអាមេរិក

ពីអតីតគ្រូបង្រៀនភាសាអង់គ្លេស លោក Jack Ma បានក្លាយជាកំពូលមហាសេដ្ឋីលំដាប់ទី១ របស់ចិន។ លោក Ma បាន​ក្លាយ​ជាកំពូលមហាសេដ្ឋីចិន នៅក្នុងឆ្នាំ ២០១៤ ដោយលោកបានជ័យក្នុងការលោកមូលបត្រភាគហ៊ុន (IPO) ដោយទទួលបាន ២៥ពាន់លានដុល្លារ​អាមេរិក។

ចុចអាន៖ Jack Ma ៖ កើត​មក​មិនមែន​ដើម្បី​ធ្វើការ​នោះទេ តែ​កើត​មក​ដើម្បី​រីករាយ​ជា​មួយជីវិត​

ចុចអាន៖ Alibaba រក​លុយ​បាន ២​ពាន់​លាន​ដុល្លារ ក្នុង​រយៈពេល​១​ម៉ោង​

០២) លោក Robin Li – ១៤,៧ពាន់លាន​ដុល្លារអាមេរិក

លោក Robin Li ជាសហស្ថាបនិកក្រុមហ៊ុន Baidu ដែលជាក្រុមហ៊ុនផ្ដល់សេវាកម្ម Search engine ដូចគ្នាទៅនឹងក្រុមហ៊ុន Google។ នៅ Robin Li ជាកំពូលមហសេដ្ឋីលំដាប់ទី១របស់ចិន អស់រយៈពេលជាច្រើនឆ្នាំ ប៉ុន្តែក្រោយពេល Jack Ma លក់ IPO នឹង​ក្លាយ​ជាកំពូល​មហាសេដ្ឋីមក បានច្រានទម្លាក់ Robin Li ឲ្យមកនៅលេខរៀងទី២។

០៣) លោក Ma Huateng – ១៤,៤ពាន់លានដុល្លារអាមេរិក

លោក Ma Huateng ជាស្ថាបនិកក្រុមហ៊ុន Tencent ដែលជាក្រុមហ៊ុនវិនិយោគធំមួយរបស់ចិន ដែលធ្វើការវិនិយោគទៅលើ​វិស័យ
ជាច្រើន​ដូចជា ប្រពន្ធផ្សព្វផ្សាយ ការកម្សាន្ត អ៊ីនធើណែត ទូរស័ព្ទចល័ត និងជាក្រុមហ៊ុនផ្ដល់សេវាកម្ម​ផ្សព្វផ្សាយពាណិជ្ជកម្ម​តាម​អនឡាញធំ​មួយផងដែរនៅក្នុងប្រទេសចិន។

០៤) លោក Wang Jianlin​ – ១៣,២ពាន់លានដុល្លារអាមេរិក

លោក Wang Jianlin​ ជាអគ្គនាយកក្រុមហ៊ុន Dalian Wanda Group ដែលជាក្រុមហ៊ុនអភិវឌ្ឍន៍អចលនទ្រព្យធំជាងគេរបស់ចិន
ហើយ​ក៏ជាក្រុមហ៊ុនប្រតិបត្តិករ (ចែកចាយភាពយន្ត) ធំបំផុត​នៅក្នុងពិភពលោកក្នុងការចែកចាយភាពយន្ត បន្ទាប់ពីក្រុមហ៊ុននេះ​បាន​ទិញ​ក្រុមហ៊ុន AMC Entertainment Holdings ក្នុងតម្លៃ ២,៦ពាន់លានដុល្លារអាមេរិក កាលពីឆ្នាំ ២០១៣ ហើយថ្មីៗនេះ លោកបាន​ទិញ ភាគហ៊ុនរបស់ក្រុមបាល់ទាត់ Atlético Madrid ទៀតផង។

ចុចអាន៖ កំពូលមហាសេដ្ឋីចិន ទិញភាគហ៊ុនក្លឹប​បាល់ទាត់ Atletico Madrid

០៥) លោក Li Hejun – ១៣ពាន់លានដុល្លារអាមេរិក

លោក Li Hejun ជាពាណិជ្ជករចិន និងជាអគ្គនាយកក្រុមហ៊ុនផលិតបន្ទះថាមពល ឬបន្ទះសូឡា Hanergy Holdings ដែលបច្ចុប្បន្ន
មានក្រុមហ៊ុនធំៗជាច្រើននៅលើពិភពលោក បានប្រើប្រាស់ប្រព័ន្ធបន្ទះសូឡាក្រុមហ៊ុន​មួយនេះ។

០៦) លោក Zong Qinghou​ – ១១ពាន់លានដុល្លារអាមេរិក

លោក Zong Qinghou​ ជាអគ្គនាយក និងជានាយកប្រតិបត្តិក្រុមហ៊ុន Hangzhou Wahaha Group ដែលជាក្រុមហ៊ុនផលិតភេសជ្ជ​នាំមុខនៅក្នុងប្រទេសចិន។ ក្រៅពីជាសហគ្រិនដ៏ល្បីឈ្មោះ និងមានលុយច្រើនហើយ លោក Zong Qinghou ក៏ជាអ្នកនយោបាយ​មួយ​រូប​ដែលមានប្រជាប្រិយភាពផងដែរ។

ចុចអាន៖ ស្មាតហ្វូន ១០ម៉ូដែល ដែល​អស្ចារ្យ​បំផុត​កាល​ពី ១០​ឆ្នាំមុន

០៧) លោក Wang Wenyin​ – ១០ពាន់លានដុល្លារអាមេរិក

លោក Wang Wenyin​ ជាពាណិជ្ជករ និងជាអគ្គនាយកក្រុមហ៊ុន Amer International Group ដែលជាក្រុមហ៊ុនផលិត និងផ្គត់ផ្គង់
​ខ្សែធ្វើអំពី​ស្ពន់ ដោយបច្ចុប្បន្នមាន ៦ទីតាំងនៅក្នុងទីក្រុមសៀងហៃ មានបុគ្កឡិក ១៥.០០០នាក់ ដោយកាលពី ២០១៣ លក់បាន ៣៨ពាន់លានដុល្លារអាមេរិក។

០៨) លោក Lei Jun – ៩,១ពាន់លានដុល្លារអាមេរិក

លោក Lei Jun ជាស្ថាបនិកក្រុមហ៊ុនផលិតទូរស័ព្ទ Xiaomi បានកកើតឡើងនៅក្នុងឆ្នាំ​២០១០ ប៉ុន្តែនៅពេលនេះ បានក្លាយជា​ក្រុមហ៊ុន​ផលិតទូរស័ព្ទដ៏ល្បីនៅក្នុងប្រទេសចិនមិនចាញ់ Huawei ហើយបានប្រកាសខ្លួនថានឹងវាយលុយទីផ្សារអន្តរជាតិ ដើម្បីប្រជែង​ជា​មួយ​ក្រុមហ៊ុនផ្សេងៗ ដូចជា Apple, Samsung ជាដើម។

ចុចអាន៖ Xiaomi លក់​ស្មា​ត​ហ្វូន​បានជាង ៦១​លាន​គ្រឿង ក្នុង​ឆ្នាំ ២០១៤

០៩) លោក He Xiangjian – ៧,៥ពាន់លានដុល្លារអាមេរិក

លោក He Xiangjian ជាសហស្ថាបនិកក្រុមហ៊ុន Midea ដែលជាក្រុមហ៊ុនផលិតសម្ភារផ្ទះបាយធំជាងគេបំផុតនៅក្នុងប្រទេសចិន។

១០) លោក Liu Qiangdong – ៧,១ពាន់លានដុល្លារអាមេរិក

លោក Liu Qiangdong ជាសហគ្រិនអ៊ីនធើណែតរបស់ចិន និងជាស្ថាបនិកក្រុមហ៊ុនលក់ទំនិញតាមអ៊ីនធើណែត JD.com ឬ Jingdong Mall ដែលជាឧស្សាហកម្មខាងផ្នែក e-commerce នាំមុខគេនៅចិន៕