ខ្សែបម្រើរបស់ក្លិបបិសាចក្រហម កីឡាករ Darren Fletcher កំពុងផ្សារភ្ជាប់ ផ្លាស់ទៅលេងនៅក្រុម ញញួរយក្ស West Ham បន្ទាប់ពីអ្នកចាត់ការទូទៅ ក្រុម Manchester United លោក Van Gaal បានបញ្ជាក់ថា ខ្សែបម្រើនេះ ស្ថិតក្នុងកិច្ចចរចារមួយ ជាមួយនឹង ក្លិបស្ថិតនៅខាងកើតទីក្រុងឡុងដ៏ ។
Sam Allardyce អ្នកចាត់ការទូទៅក្លិប ញញួរយក្ស ត្រូវបានគេជឿថា ចាប់អារម្មណ៍ ជាមួយនឹង Darren Fletcher ក្នុងសប្តាហ៍នេះ ។ កីឡាករអាយុ ៣០ ឆ្នាំនេះ ដោយសល់ចំហាយកុងត្រា ជាមួយនឹងបិសាចក្រហម តែ ៦ ខែ ទៀតតែប៉ុណ្ណោះ ។
ពេលនេះដែរ លោក Van Gaal បានបង្ហើបថា កីឡាករអាយុ ៣០ ឆ្នាំ នឹងត្រូវទៅលេងនៅក្លិបខាងកើតទីក្រុងឡុងដ៍ ប៉ុន្តែលោកក៏ទទួលស្គាល់ថា នឹងសោកស្តាយ ដែលឃើញកីឡាករ Darren Fletcher ចាកចេញ ដែលបានលេង ១២ ប្រកួតនៅរដូវកាលនេះ ។
អ្នកចាត់ការទូទៅសញ្ជាតិហុល្លង់រូបនេះបាននិយាយថា គាត់នឹងទៅលេងនៅ West Ham ហើយខ្ញុំជឿថា គាត់នឹងលេងបានល្អ យើងចាំតែមើលទៅ ។
ថ្ងៃសុក្រ ម្សិលមិញ លោក Van Gaal ក៏បានអះអាងថា កីឡាករ Michael Carrick នឹងបាត់ពីសកម្មភាពលេងរបស់យើង រយៈពេល ១ខែ ដោយសារតែរបួស សាច់ដុំ ៕
មតិយោបល់