ភ្នំពេញ៖ ក្រុមជំនាញសាលាក្រុង និងក្រុមការងារក្រសួងដែនដី រួមនឹងក្រុមជំនាញរបស់ខណ្ឌ បានចុះត្រួតពិនិត្យសំណង់ខាងត្បូងជាប់អគារប៊ូឌីងស នឹងបានផ្អាកការសាងសង់បណ្តោះអាសន្ន។
នៅព្រឹកថ្ងៃទី០២ ខែកុម្ភៈ ឆ្នាំ ២០១៥ នេះ សាលារាជធានីភ្នំពេញ បានសម្រេចផ្អាកការសាងសង់បុកគ្រឹះ ក្នុងការដ្ឋានមួយកន្លែង នៅក្នុងសង្កាត់ទន្លេបាសាក់ ខណ្ឌចំការមន ជិតក្រសួងទំនាក់ទំនងព្រឹទ្ធសភា រដ្ឋសភា និងអធិការកិច្ច ដែលធ្វើឲ្យអគារប៊ូឌិញនៅក្បែរនោះ រងការប្រេះស្រាំ រហូតដល់ប្រជាពលរដ្ឋ នាំគ្នាភ័យស្លន់ស្លោរត់ចេញពីលំនៅដ្ឋាន។
ប៉ុន្មានថ្ងៃមុននេះ ប្រជាពលរដ្ឋដែលរស់នៅក្នុងអគារប៊ូឌិញបាន ប្រាប់អាជ្ញាធរ និងអ្នកសារព័ត៌មានថា ការបុកគ្រឹះ ក្នុងការដ្ឋានមួយកន្លែង ក្បែរប៊ូឌិញ បានធ្វើអគារប៊ូឌិញប្រេះស្រាំ ហើយបើសិនជានៅតែបន្តទៀតអាចនឹងកើតមានករណីធ្ងន់ធ្ងរជាងគេនេះ។
គួរបញ្ជាក់ផងដែរថា អគារប៊ូឌិញ ត្រូវបានគេដឹងថាជាអគារចំណាស់ទ្រុឌទ្រោមមួយដែលកំពុងមានប្រជាពលរដ្ឋប្រមាណ ៧០០គ្រួសារស្នាក់នៅ៕
មតិយោបល់