តាមការស្រាវជ្រាវបានរកឃើញថា ជប៉ុនជាជនជាតិដែលមានអាវែងបំផុតនៅក្នុងពិភពលោកជាពិសេសស្ត្រីជប៉ុន គឺគេតែងតែសង្កេតឃើញថា មានស្រស់ក្មេងជាងវ័យជានិច្ច។ តើប្រិយមិត្តមានដឹងទេថា ហេតុអ្វីបានជាជនជាតិមួយនេះ មានអាយុវែងជាងគេ?
ខាងក្រោមនេះជាអាថ៌កំបាំងរបស់ពួកគេ ៖
-ការទទួលទានអាហារស្រស់
នៅក្នុងផ្ទះបាយរបស់ជនជាតិជប៉ុន អ្នកនឹងមិនរកឃើញចំណីអាហារកែច្នៃស្រាប់។ ពួកគេតែងតែទិញអាហារស្រស់រាល់ថ្ងៃ។ ទម្លាប់ដាំស្លដោយខ្លួនឯងរបស់ស្ត្រីជប៉ុនបានជួយគេយ៉ាងច្រើនក្នុងបញ្ចៀសពីអាហារសម្បូរជាតិខ្លាញ់។ នៅក្នុងម្អូបអាហាររបស់ជនជាតិជប៉ុន សម្បូរទៅដោយត្រី ដូចជាត្រីធូណា និងពពួកគ្រឿងសមុទ្រ វាផ្ទុកនូវប្រូតេអ៊ីនច្រើន និងពុំមានថាមពលលើស។ ត្រីពុំត្រឹមតែជួយបញ្ចៀសបានហានិភ័យកើតជំងឺសរសៃឈាមបេះដូងប៉ុណ្ណោះទេ តែនៅសម្បូរ Omega-3 ល្អបំផុតសម្រាប់ស្បែក។
-មិនទទួលទានស្រា និងប្រើសារជាតិរំញោច
តាមការស្រាវជ្រាវរបស់ពួកអ្នកវិទ្យាសាស្ត្រ នោះក្នុងចំណោមស្ត្រីជប៉ុន ១០ម៉ឺននាក់ គឺមាន ៦នាក់កើតជំងឺមហារីកសុដន់ អត្រានេះទាបជាងច្រើនប្រៀបនឹងបណ្តាប្រទេសផ្សេងៗនៅក្នុងសកលលោក។ មូលហេតុគឺដោយសារពួកគេមានរបៀបរបបក្នុងការរស់នៅល្អត្រឹមត្រូវ មិនទទួលទានស្រា ចៀសឆ្ងាយពីសារជាតិរំញោច នឹងធ្វើចលនាជាប្រចាំ។
-ទទួលទានល្មម (មិនឲ្យខ្វះ ហើយក៏មិនឲ្យលើស)
របបទទួលទានសមស្រប ពុំសូវមានកាឡូរី មានជាតិខ្លាញ់តិច ធ្វើឲ្យអ្នកពុំចាំបាច់ទទួលទានតម តែសរីរាង្គនៅតែមានសុខភាពល្អ។ ជនជាតិជប៉ុនទទួលទានឆ្អែតល្មម (មិនទទួលទានឆ្អែតពេក ទោះបីឆ្ងាញ់ពេញមាត់) និងច្រើនទទួលទានតែ ៨០% លទ្ធភាពរបស់ខ្លួន។
-រស់នៅស្ងៀមស្ងាត់
ពួកគេរក្សាជីវភាពរបស់ខ្លួនក្នុងភាពស្ងប់ស្ងៀម មិនស្ត្រេស សុទិដ្ឋិនិយម រីករាយ អធ្យាស្រ័យ នោះក៏ជាវិធីមួយដើម្បីជីវិតសុខសាន្ត។
-ការដើរ
ជនជាតិជប៉ុនមានទម្លាប់ដើរ។ រៀងរាល់ព្រឹកស្ត្រីជប៉ុនតែងដើរទៅផ្សារទិញអាហារស្រស់ៗមកចម្អិនដោយខ្លួនឯង។ ពួកគេមិនជួលមនុស្សជួយធ្វើកិច្ចការផ្ទះតែធ្វើដោយខ្លួនឯងទាំងអស់។
-ជឿជាក់ទៅលើវិធីព្យាបាលជំងឺធម្មជាតិដូចជាដោយទឹករ៉ែ និងស្ទីម
ជនជាតិជប៉ុនប្រើអាហារដើម្បីធ្វើថ្នាំព្យាបាលជំងឺ។ បណ្តាផលិតផលថែរក្សាស្បែករបស់ជប៉ុនសុទ្ធតែត្រូវបានចម្រាញ់ពីធម្មជាតិ ឬសារជាតិអ័រហ្គានិក។
-មិនបង្កើតសម្ពាធធំឲ្យខ្លួន
មិនប្រណាំងប្រជែង គ្មានមហិច្ឆតា រស់នៅសាមញ្ញ មិនបង្កើតសម្ពាធធំឲ្យខ្លួនជាវិធីមួយសម្រួលសរសៃប្រសាទ ធ្វើឲ្យសរីរាង្គមិន “ហួសចំណុះ” ។
ជាមួយនឹងអាថ៌កំបាំងខាងលើ ជនជាតិជប៉ុនជានិច្ចកាលរក្សាបានសុខភាពល្អ និងមានអាយុវែងបំផុតពិភពលោក៕
មតិយោបល់