ប្រជាពលរដ្ឋក្នុងខេត្តបន្ទាយមានជ័យ បាននិយាយរិះគន់ទៅអគ្គីសនីខេត្តថា អត់អើពើ និងមិនយកចិត្តទុកដាក់ ចំពោះភ្លើងសញ្ញាចរាចរណ៍ គ្រាដែលភ្លើងស្តុប ដាច់ជាងមួយខែមកហើយនោះ ហើយការចរាចរណ៍ ឆ្លងកាត់ប្រកបដោយហានិភ័យ ។
ភ្លើងស្តុបមួយនេះ ស្ថិតនៅផ្លូវកែងបំបែកជាបួន រវាងផ្លូវជាតិលេខ៦ និងផ្លូវជាតិលេខ៥៦ ក្នុងភូមិសង្កាត់ កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ត្រូវបានដាច់ភ្លើងសញ្ញាចរាចណ៍ជាច្រើនថ្ងៃ ធ្វើអោយគ្រប់មធ្យោបាយអ្នកធ្វើដំណើរលំបាកឆ្លងកាត់ ។
ឆ្លើយតបការិះគន់នេះ មន្ត្រីអគ្គីសនីខេត្តបន្ទាយមានជ័យ បានប្រាប់ឲ្យដឹងថា ខ្លួនមិនបានគ្រប់គ្រងភ្លើងស្តុប នៅទីតាំងខាងលើនោះទេ ព្រោះខេត្តបានប្រគល់ទៅឲ្យមន្ទីរផ្សេង ជាអ្នកគ្រប់និងជួលជល ។
លោក គឹម សុវណ្ណ ប្រធានមន្ទីរសាធារណះការ និងដឹកជញូនខេត្ត បានប្រាប់កាលពីថ្ងៃទី១០ ខែកុម្ភៈ ២០១៥ ថា លោកត្រូវបានខេត្ត ប្រគល់អោយគ្រប់គ្រងភ្លើងសញ្ញាចរាចរនៅស្តុបនេះ តែត្រូវខូចខាតជួសជុលជាបន្តបន្ទាប់ ហើយលោកបានកម្មង់សំភារះ សម្រាប់ជួសជុលលើកនេះ ដែលត្រូវចំនាយថវិការផ្ទាល់ខ្លួនជាង១លាន៥សែនរៀល តែសម្ភារះទាំងនេះ មិនទាន់មកដល់ និងនៅមិនទាន់រករថយន្តបច្ចេកទេស មកភ្ជាប់បាន។
សូមបញ្ជាក់ថា នៅក្នុងខេត្តបន្ទាយមានជ័យ មានភ្លើងស្តុបតែមួយគត់ ដែលកើតឡើងក្នុងអណត្តិ ឯកឧត្ដម អ៊ុង អឿន អភិបាលខេត្ត ដើម្បីកាត់បន្ថយគ្រោះថ្នាកចរាចណ៍ នៅផ្លូវបែកជា៤នេះ ហើយភ្លើងសញ្ញាចរាចរណ៍ ធ្លាប់បានដាច់ភ្លើងសញ្ញាចរាចណ៍ ហើយក៏ត្រូវជួសជុលវិញភ្លាមៗផងដែរ តែដាច់ភ្លើងសញ្ញាចរាចលើកនេះ មានរយះយូរ មិនទាន់ឃើញមានអគ្គីសនីខេត្ត ឬជំនាញណាចេញមុខជួសជល់នៅឡើយ ៕
មតិយោបល់