ខេត្តសៀមរាបៈ ក្រោមការយកចិត្តទុកដាក់ របស់អគ្គស្នងការនគរបាលជាតិ ដល់មន្ត្រីថ្នាក់ក្រោម ដែលបាន ខិតខំបំរើការងារអង្គភាព និងការពារសុខសុវត្តិភាពជូនប្រជាពលរដ្ឋ ទើបបណ្តាលឲ្យមានការ ប្រកាលផ្ទេរ ភារៈកិច្ច តែងតាំងមុខតំណែង និងបំពាក់ឋានន្តរសក្កិ ដល់មន្ត្រីនគរបាល នៃស្នងការនគរបាលខេត្តសៀមរាប ក្រោមអធិបតីភាព ឯកឧត្តម នាយឧត្តមសេនីយ៍ ខេង សុមេធ អគ្គស្នងការងនគរបាលជាតិ និងជា មេបញ្ជាការនគរបាលជាតិប្រចាំទិស ភូមិភាគទី៤ និងទី៥ តំណាងនាយឧត្តមសេនីយ៍ នេត សាវឿន អគ្គស្នងការនគរបាលជាតិ ។
បន្ទាប់ពីលោក សត ណាឌី ស្នងការ នៃស្នងការដ្ឋាននគរបាលសៀមរាប បានអានរបាយការណ៍ ស្តីពីភូមិសាស្ត្រ និងសកម្មភាពអនុវត្តការងារកន្លងមកនៅខេត្តសៀមរាបរួចមក ឯកឧត្តម នាយឧត្តមសេនីយ៍ ខេង សុមេធ អគ្គស្នងការងនគរបាលជាតិ បានបំពាក់ឋានន្តរសក្កិដល់មន្ត្រីនគរបាល ចំនួ១៣៥រូប ក្នុងនោះមានប្រកាសតែងតាំង ស្នងការង១រូប ទទួលបន្ទុកធនធានមនុស្ស និងបំពាក់ឋានន្តរសក្កិចាប់ពី វរៈសេនីយ៍ឯក ដល់ព្រិន្ទបាលទោ ។
លោកវរៈសេនីយ៍ឯក ហ៊ូ វ៉ាន់នី តំណាងឲ្យមន្ត្រីនគរជាតិ ដែលទើបតែនិងប្រកាសផ្ទេរភារៈកិច្ច តែងតាំងមុខតំណែង បានធ្វើសេចក្តីប្តេជ្ញាចិត្តប្តេជ្ញាគោរពនិងអនុវត្តនិងស្មោះត្រង់តាមកម្មវិធីនយោបាយរបស់រាជរដ្ឋាភិបាលនិងយកចិត្តទុកដាក់ ទាំងកំលាំងកាយចិត្ត ដើម្បីបំរើផលប្រយោជន៍ប្រជាជាតិ គោរពនិងប្រតិបត្តិយ៉ាង ម៉ឺងម៉ាត់នូវសច្ចះយុត្តិធម៌ ចំពោះច្បាប់បទបញ្ញាតិនិងបទបញ្ជាផ្សេងៗរបស់ថ្នាក់ដឹកនាំ ប្តេជ្ញារក្សាសាមគ្គីភាពផ្ទៃក្នុងអង្គភាពឲ្យបានល្អប្រសើរ ប្តេជ្ញាគោរពនូវវិន័យលេខ០០៦ របស់កងកម្លាំង និងការអនុវត្តភូមិឃុំមានសុវត្តិភាព។ឯកឧត្តម នាយឧត្តមសេនីយ៍ ខេង សុមេធ អគ្គស្នងការងនគរបាលជាតិ បានមានប្រសាសន៍ណែនាំនិងផ្តាំផ្ញើរ ដល់ថ្នាក់ដឹកនាំនិងមន្ត្រីនៃស្នងការនគរបាលខេត្តសៀមរាប ទី១ សុំឲ្យស្នងការយកចិត្តទុកដាក់ទៅលើ មន្ត្រីដែលចូលបំរើក្នុងជួរកងកម្លាំងយូរឆ្នាំតែត្រូវបាន តែពុំបានទទួលនូវឋានន្តរសក្កិ ដែលជាភាពអយុត្តិធម៌ ទី២ ចំពោះតាមបណ្តាប៉ុស្តិ៍រដ្ឋបាល កាត់បន្ថយការយកតំលៃសេវាកម្មសារធារណៈពីប្រជាពលរដ្ឋ ដែលមានអត្រាខ្ពស់ហួសហេតុ ដែលជាហេតុធ្វើឲ្យមានការថ្នាំងថ្នាក់ចិត្ត ពីសំណាក់ប្រជាពលរដ្ឋ ដូចជាសុំផ្ទេរទីលំនៅ សៀវភៅគ្រួសារ និងលិខិតផ្សេរៗ ទី៣ ចំពោះករណីប៉ូលិសចរាចរណ៍ មិនត្រូវផាកពិន័យពីជនរងគ្រោះ ដែលត្រូវបានទទួលរងនូវការខូចខាតនិងសូមឲ្យផាកពិន័យចំពោះតែជនបង្ករហេតុដែលបណ្តាលឲ្យបង្ករគ្រោះថ្នាក់ចរាចរណ៍ ជាចុងក្រោយឯកឧត្តម បានកោតសរសើរចំពោះស្ថាប័ន អ្នកសារពត៌មាន ដែល បានដើរតួរនាទីសំខាន់ក្នុងការបំពេញភារៈកិច្ច ខិតខំយកពត៌មាននិងផ្សព្វផ្សាយទាំងពត៌មានជាតិ និងសន្តិសុខ ព្រមទាំងសកម្មភាពការងាររបស់ កងកម្លាំងនិងសូមផ្តាំផ្ញើរឲ្យមន្ត្រីទាំងអស់ ខិតខំសិក្សារៀនសូត្រ គោរពនូវបទបញ្ជាផ្ទៃក្នុងរបស់ អង្គភាព និងគោរពនូវគោលនយោបាយភូមិឃុំមានសុវត្តិភាព ។
មតិយោបល់