បើទោះបីជាបានលែងលះគ្នាដាច់ស្រាចក្ដី ប៉ុន្តែទំនាក់ទំនងរវាងតារាចម្រៀង Jennifer Lopez និងលោក Marc Anthony អតីតស្វាមី បានបង្ហាញភាពជិតស្និទ្ធនៅក្នុងថ្ងៃខួបកំណើតកូនភ្លោះ​ស្រី-ប្រុសរបស់អ្នកទាំងពីរ ជាមួយនឹងស្នាមញញឹម​ដ៏កក់ក្ដៅ។

នៅថ្ងៃសៅរ៍កន្លងទៅនេះ តារាចម្រៀងវ័យ ៤៥ឆ្នាំ នាង Jennifer Lopez និង Marc Anthony អតីតស្វាមី បាន​រៀបចំ​ពិធី​ខួប​កំណើតគម្របខួប ៧ឆ្នាំ របស់កូនភ្លោះអ្នកទាំងពីរ ក្នុងគោលបំណងផ្ដល់ភាពកក់ក្ដៅដល់​កូន​ និងក្នុងមានជា​អាណាព្យាបាល​។

Jennifer Lopez បានថ្លែងប្រាប់ សារព័ត៌មាន Huffington Post ថា នាង និងលោក Marc Anthony គឺជាមិត្តភ័ក្តិដ៏ល្អ​នឹង​គ្នាក្រោយ បើទោះបីជា​បានចែកផ្លូវគ្នាហើយក្ដី ហើយអ្វីដែលអ្នកទាំងពីរត្រូវធ្វើនោះគឺថា ភាពទទួលខុសត្រូវ​ចំពោះ​កូនភ្លោះ​អ្នក​ទាំងពីរ ពួកគេជាក្មេងដែលត្រូវការ ម្ដាយ-ឪពុក ដូចគ្នាហើយត្រូវតែផ្ដល់ភាពកក់ក្ដៅ។

គួរបញ្ជាក់ផងដែរថា Jennifer Lopez បានរៀបការជាមួយនឹងលោក Marc Anthony នៅឆ្នាំ ២០០៤ ហើយជាចំណងដៃ​បាន​កូនភ្លោះ ប៉ុន្តែក្រោយពីរៀបការបាន ៧ឆ្នាំ ពួកគេទាំងពីរនាក់បានលែងលះ ដោយសារតែពួកគេគិតថា ទំនាក់ទំនងស្នេហា​​លែងមាន មានតែទំនាក់ទំនងបែបមិត្តភ័ក្តិ៕