យោងតាមប្រភពព័ត៌មាន Daily Star បានចុះផ្សាយ​ឲ្យដឹងថា កូនស្រីអតីតកីឡាករ Beckham បានទទួលសំណើរជាច្រើន ពីអ្នកនាំពាក្យ​ផ្នែកម៉ូដែល និងហ្វេសិន ដើម្បីថតឈុតសម្លៀកបំពាក ។​
កូនស្រី Beckham កុមារី Harper Seven គឺជាកូនស្រីពៅ ជាទីស្រលាញ់ របស់ Beckham ជាមួយនឹងអ្នករចនាម៉ូត Victoria Beckham ។ Harper Seven ដែលមានមុខមាត់ស្រស់ស្រាយ គួរឲ្យទាក់ទាញ នេះ នឹងក្លាយជាម៉ូដែលនៅពេលអនាគត ដោយត្រូវបានក្រុម​ម៉ូដែលជាច្រើន ​កំពុងចាប់អារម្មណ៍​។​

ថ្មីៗនេះដែរ កុមារី Harper Seven ក៏បានទៅចូលរួម កម្មវិធី New York Fashion Week 2015 ជាមួយនឹងឪពុកម្តាយរបស់នាង ហើយក៏ទទួលបានការចាប់អារម្មណ៍ពីសំណាក់ ក្រុមហ៊ុន​ម៉ូដែល​។​
បើតាមប្រភពព័ត៌មានបានឲ្យដឹងថា ខាង​ក្រុមហ៊ុនម៉ូដែល​ មានបំណងចង់កុងត្រា ជាមួយនឹង កូនស្រី Beckham ក្នុងតម្លៃ ៣០ លានដុល្លារ ។ ខាងក្រុមហ៊ុន ជឿជាក់ថា នាង​នឹងក្លាយជា​តំណាងម៉ូដែលរបស់គ្រួសាររបស់នាង នាពេលអនាគត។
តែទោះជាយ៉ាងណា Beckham បានច្រានចោលសំណើរទាំងអស់ ដោយ​​លើកយកហេតុផល ថា កូនស្រីរបស់គាត់ នៅក្មេងពេក៕