ភ្នំពេញ៖ ភាពយន្តខ្នាតធំបែបកំប្លែង រឿង “៧ថ្ងៃ” ដែលជាភាពយន្តមួយត្រៀមប្រកួតប្រជែងពានរង្វាន់អាស៊ី និង វាយលុករោងកុន ក្នុងព្រះរាជាណាចក្រកម្ពុជា នៅថ្ងៃទី ៦ ខែមីនា ឆ្នាំ ២០១៥ នេះ កំពុងធ្វើឲ្យអ្នកទស្សនា និងគាំទ្រ អន្ទះអន្ទែង ត្រៀមខ្លួនជាស្រេច កក់កៅអ៊ី ទស្សនាភាពយន្តដ៏អស្ចារ្យនេះ ។
កន្លងមកដំណឹង ក៏បានចុះផ្សាយនូវឈុតក្រៅឆាក ដែលតារាសម្តែង ក្នុងរឿងនេះ និយាយអំពីឈុត ពិបាកថតជាច្រើន ដែលខ្លួនមិនធ្លាប់បានជួប ។
ថ្ងៃនេះដែរវា តារាកំប្លែងស្រី សម្តីដូចម៉ាស៊ីនដេរអ្នកនាង ខ្ញុង ក៏បានចេញមុខនិយាយថា “នាងពិតជាសប្បាយរីករាយខ្លាំងណាស់ដែលបានដើរតួ ជាស្រីស្អាត តែជាតួអ្នកបម្រើ កាលីប ប្អូនស្រី នី មុន្នីនាថ តែក៏សប្បាយចិត្ត ព្រោះជាឈុតដែលខ្លួនពេញចិត្ត និងរីករាយក្នុងការថត ជាពិសេសឈុតឡប់ៗ” ។
ចំណុច វាមិនសូវជាប្លែកនោះទេ អ្វីដែលចាប់អារម្មណ៍បំផុតនោះគឺ ក្នុងអំឡុងពេលថតរឿង “៧ថ្ងៃ” ម្តាយ នី មុន្នីនាថ បានជួបខ្មោចពិតៗ បានលង ធ្វើឲ្យម្តាយនាង ព្រឺរោមខ្ញាក់ ។
ក្នុងបទសម្ភាសន៍ក្រៅឆាក ជាមួយនឹងផលិតកម្ម Rich Kids Media តារាទឹកភ្នែករូបនេះ បាននិយាយថា ” ឈុតដែលនាងពិបាកថតជាងគេ គឺឈុតត្រូវបានគេវាយមុខ យ៉ាងហោចណាស់ ត្រូវពិតៗ ជាង ១០ដៃ ។ នាងបានបន្តថា ក្នុងអំឡុងពេលថតឈុតនៅក្រោមដើមជ្រៃ ដែលល្បីថាមានខ្មោច ក្នុងទឹកដីខេត្តកំពង់ឆ្នាំងនោះ ម្តាយរបស់នាង បានអស់កម្លាំង រួមទាំងនាង បានចូលទៅសម្រាកក្នុងរថយន្ត ពេលនោះក៏មានមនុស្សប្រុសពីរនាក់ គោះទ្វាររថយន្តហៅ ថា ដល់ម៉ោងថតហើយ ខណៈដែលបើកទ្វារក៏ឃើញក្មេងស្រី សក់រាងខ្លីក្មេង ម្នាក់សូមចូលក្នុងរថយន្ត ដោយមិននិយាយអ្វី ក៏ចូលមកអង្គុយប្រជ្រៀត រួចបិទទ្វារ តែម៉ាកនាងបដិសេធថា ឥឡូវគេដល់ម៉ោងថតហើយ ខ្ញុំត្រូវការចុះ ព្រោះប្រុសៗមិញគេហៅ តែម្នាក់ស្រីនោះ មិនមាត់ រួចក៏បញ្ជាឡានឲ្យទៅមុខ ទាំងគ្មានតៃកុងបើក ដោយនៅមុខឡាន សុទ្ធតែបឆាខ្មោចដោយគេកំពុងតែធ្វើបុណ្យ។ ដោយអារម្មណ៍ភិតភ័យម្តាយរបស់នាង បានដាស់នាងឲ្យភ្ញាក់ចេញពីឡាន តែទោះជាយ៉ាងណាក្រុមការងារក៏បានសែនព្រេន សុំខមាទោសផងដែរ ” ។
ដើមឡើយ លោក ជួន សុវណ្ណវាសនា ម្ចាស់ភាគហ៊ុនផលិតកម្មខាងលើក៏បានអះអាងថា ក្រុមការងារថតភាពយន្ត “៧ថ្ងៃ” បានជួបខ្មោច ពិតៗផងដែរ ។ លោកក៏បានបន្តថា ភាពយន្តនេះ នឹងសង្ឈឹមថា ទទួលបានការគាំទ្រ ពីសំណាក់ទស្សនិកជន នៅពេលដែលវាយលុករោងកុងក្នុងរាជធានីភ្នំពេញ និងបណ្តាខេត្តមួយចំនួន ក្នុងព្រះរាជាណាចក្រកម្ពុជា៕
ទស្សនាវីដេអូឃ្លិបដូចខាងក្រោមនេះ៖
មតិយោបល់