ក្រុមតោខៀវ បានធ្វើការអះអាងថា ពួកគេបានកាន់ប៊ិចចុះហត្ថលេខា លើ “កិច្ចព្រមព្រៀងពាណិជ្ជកម្មដ៏ធំបំផុត មិនធ្លាប់មាន” ដោយចុះហត្ថលេខា ជាមួយនឹងក្រុមហ៊ុន Yokohama Rubber ។
កិច្ចព្រមព្រៀងនេះដែរ មានរយៈពេល ៥ ឆ្នាំ ដោយចាប់ផ្តើមនៅរដូវកាលក្រោយ ហើយឡូហ្គោរបស់ក្រុមហ៊ុនផលិត សំបកយានយន្តនេះ នឹងមាននៅលើអាវយឺត របស់ ក្លិបតោខៀវ ។
បើតាមប្រភពខាងលើ បាននិយាយថា ចំនួនទឹកប្រាក់ដែលចុះកិច្ចព្រមព្រៀងនេះ មានតម្លៃ ៤០ លានផោន ដែលជាចំនួនទឹកប្រាក់ដ៏ច្រើន ខណៈដែលកិច្ចព្រមព្រៀងជាមួយនឹង Samsung កន្លងមកបានត្រឹមតែ ១៨ លានផោន ។
លោក Bruce Buck ប្រធានក្លិបតោខៀវ បាននិយាយថា “តោខៀវ និងក្រុមហ៊ុនសំបកយានយន្ត គឺសមល្អឥតខ្ជោះ និងគ្នា ដើម្បីភាពជោគជ័យ” ។
លោកបានបន្ត ក្រុមហ៊ុន Yokohama នឹងដើរតួសំខាន់ ក្នុងការពង្រីកវិសាលភាពរបស់យើង ទៅកាន់ទីផ្សារ សហរដ្ឋអាមេរិក ៕
ព័ត៌មានជាតិ
មតិយោបល់