យោងតាមការចុះផ្សាយរបស់ Wall Street Journal នៅថ្ងៃទី០៥ ខែមីនា ឆ្នាំ ២០១៥ នេះថា ក្រុមហ៊ុន Apple បាន​ប្រាប់ទៅកាន់​ក្រុមហ៊ុនផ្គត់ផ្គង់​ឲ្យពន្យារពេលក្នុងការផលិត​ iPad អេក្រង់យក្ស ១២,៩អ៊ីង។

ប្រភពច្បាស់ការមួយបានលួចបង្ហើបឲ្យដឹងថា iPad ថ្មីនេះ ត្រូវបានពន្យារពេលក្នុងការ​ផលិត ដោយសារតែ​ Apple កំពុងតែពិចារណាក្នុងការ​បន្ថែមរន្ធ USB ជាមួយបច្ចេកវិទ្យាថ្មី ដែលមានសមត្ថភាពអាចបញ្ជូនទិន្នន័យបានលឿន​ជាងមុន ១០ដង។

ប្រភពដដែលបានបន្តទៀតថា Apple ក៏បាននឹងកំពុងតែសម្រេចចិត្តបង្កើតរន្ធបន្ថែមសម្រាប់​ភ្ជាប់ជាមួយ​ Keyboard និង Mouse ប៉ុន្តែព័ត៌មាននេះត្រូវបាន Apple ច្រានចោល៕