យោងតាមការចុះផ្សាយរបស់ CNN នៅថ្ងៃទី០៨ ខែមីនា ឆ្នាំ ២០១៥ ម្សិលមិញនេះថា ពលរដ្ឋអ៊ីស្រាអែល ៤ម៉ឺននាក់ បាននាំគ្នាតវ៉ាទាមទារឲ្យមានការផ្លាស់ប្តូរមេដឹកនាំរបស់ខ្លួន បន្ទាប់ពីការកើតមានឡើងនូវរឿងវិវាទជាមួយ រដ្ឋាភិបាលក្នុងពេលថ្មីៗកន្លងទៅនេះ។
ចលនាបាតុកម្ម ដែលត្រូវធ្វើឡើងឲ្យមនុស្សជាង ៤ម៉ឺននាក់នេះ ត្រូវបានគេដាក់ឈ្មោះថា «អ៊ីស្រាអែលចង់បានការផ្លាស់ប្តូរ» ដែលជាចលនារបស់ប្រជាពលរដ្ឋ ផ្តោតទៅលើបញ្ហាពីរសំខាន់ គឺទីមួយប្រជាពលរដ្ឋចង់បានដំណោះស្រាយរវាងរដ្ឋទាំងពីរ (អ៊ីស្រាអែល និងប៉ាឡេស្ទីន) និងទី២ ចង់កាត់បន្ថយថ្លៃចំណាយក្នុងការរស់នៅប្រចាំថ្ងៃ។
គួរបញ្ជាក់ផងដែរថា លទ្ធផលនៃការតវ៉ានេះ នៅមិនទាន់មានផ្លែផ្កានោះទេ ខណៈដែលក្រុមអ្នកតវ៉ា ទាមទារឲ្យនាយករដ្ឋត្រូវតែចុះចេញពីតំណែង៕
មតិយោបល់