ក្រៅពីមហាសេដ្ឋី គេដឹងថា មានតែប្រធានាធិបតី ឬនាយករដ្ឋមន្ត្រីទេ ដែលមានប្រាក់ចំណូលខ្ពស់ តើលោក​អ្នក​មានដឹងថាទេ មេដឹកនាំប្រទេសណាមួយដែលមានប្រាក់​បៀវត្សខ្ពស់ជាងគេ?

លោក Lee Hsien Loong វ័យ ៦៣ឆ្នាំ ជានាយករដ្ឋមន្ត្រីទី៣របស់សិង្ហបុរី និងជាកូនប្រុស​របស់លោក Lee Kuan Yew ដែលជានាយករដ្ឋមន្ត្រីទី១ នៃសិង្ហបុរី។ ​លោក Lee Hsien Loong បានឡើងកាន់តំណែងតាំងពីឆ្នាំ ២០០៤ ជំនួសលោក Goh Chok Tong។

សម្រាប់ឆ្នាំ ២០១៥ នេះ លោក Lee Hsien Loong គឺជាមេដឹកនាំ​ដែលមានប្រាក់ខែខ្ពស់បំផុតក្នុងពិភពលោក ដែលក្នុងមួយឆ្នាំ លោកទទួលបានប្រាក់ខែចំនួនជាង ២លានដុល្លារអាមេរិក៕