តុលាការ​អាមេរិក បាន​ប្រកាសកាលពីថ្មីៗនេះថា បណ្ដាញទំនាក់ទំនងសង្គម Facebook កំពុងតែ​ប្រឈម​មុខ នឹង​ពាក្យបណ្ដឹងថ្មី ពីអាណាព្យាបាល​ក្មេង​មួយ​ចំនួន ដោយសារតែ​ Facebook ពុំមាន​​រឹងបន្ដឹងទៅលើការទិញ​ទំនិញ​​នៅលើ Facebook។

ដើមបណ្ដឹងបាន​ចោទប្ដឹងថា កូនៗរបស់គាត់បានចំណាយលុយនៅក្នុង​ក្រេឌិតកាត​របស់គាត់ទិញ​ហ្គេម និងកម្មវិធី​នៅលើ Facebook ដោយគ្មានលក្ខខណ្ឌ​ផ្សេងៗ ពោលគឺ Facebook បានបើកដៃឲ្យពួកគេទិញ​ដោយ​មិនបាន​រឹង​បន្ដឹងទៅលើ​ការទិញអ្វីផ្សេងៗ។

ស្រ្តីដើមបណ្ដឹងម្នាក់ បាន​ឲ្យដឹងថា កូនស្រីគាត់បាន​ចាយលុយនៅក្នុងក្រេឌិតគាត់អស់ជាង ១ពាន់ដុល្លារ ដើម្បី​លេង​ហ្គេម Ninja Saga ហើយគាត់មិនចង់ឲ្យ Facebook សងលុយវិញទេ ប៉ុន្តែសូមឲ្យ Facebook មានវិធាន​ការ​រឹង​បន្ដឹង​ចំពោះករណីដូចគាត់បានជួប៕