មានអ្នកខ្លះ ដើម្បីសម្រកទម្ងន់ បានព្យាយាមអត់អាហារមួយពេលក្នុងចំណោមអាហារ៣ពេល ប៉ុន្តែការធ្វើបែបនោះ វាអាចជះផលអាក្រក់ដល់សុខភាព ព្រោះថាការញ៉ាំអាហារទាំង៣ពេលគឺសុទ្ធសឹងតែផ្ដល់អត្ថប្រយោជន៍ដល់រាង្គកាយ និងសុខភាព ដូច្នេះមិនគួរបោះបង់ចោលការញ៉ាំអាហារទាំង ៣ពេលនោះទេ។
០១) អាហារពេលព្រឹក
មនុស្សមួយចំនួនដែលមមាញឹកក្នុងការងារតែងតែញ៉ាំកាហ្វេមួយកែវជំនួសអាហារពេលព្រឹក ប៉ុន្តែពួកគេមិនដឹងថាអាហារពេលព្រឹកប្រៀបដូចជាការហាត់ប្រាណពេលព្រឹករបស់ក្រពះនោះទេ ពីព្រោះអ្នកបានផ្អាកការញ៉ាំរបស់អ្នក អស់ជាច្រើនម៉ោងក្នុងអំឡុងពេលគេង។ ការញ៉ាំអាហារពេលព្រឹកគឺជាការសន្សំថាមពលមួយចំនួនម្រាប់ការងាររបស់អ្នក ក្នុងថ្ងៃថ្មី ដូចនេះអ្នកគួតែញ៉ាំអាហារណាដែលមានថាមពល។ អ្នកគួរតែញ៉ាំនំស្រួយខ្លះៗជាមួយទឹកដោះគោ ព្រមទាំងមានផ្លែឈើមួយចំនួន ប្រសិនបើអ្នកគ្មានពេលវេលាគ្រប់គ្រាន់សម្រាប់ធ្វើអាហារពេលព្រឹកដោយខ្លួនឯង។
០២) អាហារពេលថ្ងៃត្រង់
អាហារពេលថ្ងៃត្រង់ គឺតែងតែធ្វើឲ្យអ្នកមានអារម្មណ៍ងងុយគេង បន្ទាប់ពីអ្នកបានញ៉ាំឆ្អែត ដូចច្នេះអ្នកមិនគួរតែញ៉ាំវាឆ្អែតពេកនោះទេ។ តែអ្នកគួតែញ៉ាំអាហារណាដែលមានថាមពលគ្រប់គ្រាន់ដូចជា បន្លែ ជាតិសង្ក័សី ព្រមទាំងសារធាតុចិញ្ចឹមមួយចំនួនទៀត។
០៣) អាហាពេលល្ងាច
បន្ទាប់ពីធ្វើការអស់រយះពេល ៨ ម៉ោង ធ្វើឲ្យអ្នកមាននូវអារម្មណ៍ហត់នឿយ ដូច្នេះអ្នកគួរតែញ៉ាំអាហារណាដែលល្អសម្រាប់សុខភាពអ្នក។ ហេតុដូចនេះអ្នកគួរតែបន្ថែមនូវបង្អែមក៏ដូចជាផ្លែឈើបន្តិចបន្តួចបន្ថែមពីលើអាហាពេលល្ងាចរបស់អ្នក៕
មតិយោបល់